आपला जिल्हा ताज्या घडामोडी देश विदेश महाराष्ट्र

🔸भाजपच्या विचारधारेने संघटनात्मक बांधणी अधिक मजबूत करा; आमदार देवराव भोंगळे यांचे कार्यकर्त्यांना आवाहन..

🔸पंडीत दिनदयाळ उपाध्याय प्रशिक्षण महाअभियानाचा पहिला दिवस उत्साहात संपन्न..

Chief EditorApril 5, 2026

राज जांभुळकर : मुख्य कार्यकारी संपादक

गोंडपिपरी – ( इंडिया 24 न्युज ) : दि. ०४ भारतीय जनता पक्षाची विचारधारा घराघरांत पोहोचवण्यासाठी कार्यकर्त्यांनी सदैव तत्पर राहावे. केंद्र व राज्य सरकारच्या लोककल्याणकारी योजनांचा लाभ समाजाच्या शेवटच्या घटकापर्यंत पोहोचवणे, हेच आपले मुख्य ध्येय असायला हवे, असे प्रतिपादन राजुरा विधानसभा मतदारसंघाचे आमदार देवराव भोंगळे यांनी केले.

भारतीय जनता पक्षाच्या वतीने राबविण्यात येत असलेल्या पंडित दीनदयाल उपाध्याय प्रशिक्षण महाभियानांतर्गत, गोंडपिपरी तालुक्यातील श्रीक्षेत्र धाबा येथील संत परमहंस कोंडया महाराज संस्थानच्या सभागृहात दोन दिवसीय प्रशिक्षण कार्यशाळेचे आयोजन करण्यात आले आहे. या कार्यशाळेच्या पहिल्या दिवसाच्या उद्घाटनप्रसंगी ते बोलत होते.

यावेळी मार्गदर्शन करताना आमदार भोंगळे पुढे म्हणाले की, पक्ष संघटनेचे कार्य समाजापेक्षा वेगळे नसून, समाजाच्या गरजा ओळखून राष्ट्रीय विचारांना जनजीवनाचा भाग बनवणे आवश्यक आहे. आगामी निवडणुकांच्या पार्श्वभूमीवर बूथ स्तरावर पक्षाची बांधणी अधिक घट्ट करून राष्ट्राच्या विकास प्रवासात सर्वांचा सहभाग निश्चित करावा.

या दोन दिवसीय कार्यशाळेत काल दिवसभर विविध विषयांवर सत्र निहाय तज्ज्ञ वक्त्यांनी कार्यकर्त्यांना मार्गदर्शन केले. यामध्ये भाजपचे जेष्ठ नेते श्रीकांत देशपांडे यांनी भाजपची वैचारिक अधिष्ठान, माजी जिल्हा महामंत्री संजय गजपुरे यांनी भाजपचा इतिहास आणि वाटचाल, साकेत भानारकर यांनी आपली कार्यपद्धती तर भाजयुमोचे जिल्हा महामंत्री तनय देशकर यांनी सोशल मीडिया आणि ए.आय. (AI) तंत्रज्ञानाचा प्रभावी वापर या विषयांवर सविस्तर माहिती दिली.

या कार्यक्रमाला प्रमुख पाहुणे म्हणून भाजपचे जिल्हाध्यक्ष हरीशजी शर्मा, महामंत्री विवेक बोढे, तालुकाध्यक्ष दीपक सातपुते, माजी जि. प. सदस्य अमर बोडलावर, एसआयआर अभियान प्रमुख सतीश उपलेंचवार, भाजयुमो तालुकाध्यक्ष राकेश पून, सुहास माडूरवार, निलेश संगमवार, इंद्रपाल धुडसे, स्वप्निल अनमुलवार, संजय वडस्कर, शिथील लोणारे, गणेश डहाळे, प्रविण धोडरे, गणेश मेरुगवार, राकेश साखलवार, तालुकाध्यक्षा स्वाती वडपल्लीवार, नगराध्यक्षा अश्विनी तोडासे, वैष्णवी बोडलावार, कोमल फरकाडे, रोशनी अनमुलवार, सुरेखा श्रीकोंडावार, अरूणा जांभुळकर, कलावती पुप्पलवार, मनिषा मडावी, भारती साखलवार,अस्मिता राफलवार, वैभव बोनगिरवार, राजेंद्र गोहणे, संजय येलमुले, संतोष मुगलवार, नितेश तुमडे यांचेसह गोंडपिपरी तालुक्यातून सर्व प्रमुख पदाधिकारी व कार्यकर्ते मोठ्या संख्येने उपस्थित होते.