🔸बोराडी येथे विकसित भारत संकल्प यात्रा संपन्न..

🔸ग्रामस्थांना विविध योजनांची माहिती देऊन केली जनजागृती..

Mr. Tulshiram JambhulkarNovember 30, 2023

मुख्य संपादक – श्री. तुळशीराम जांभूळकर

धुळे : दिनांक 30 नोव्हेंबर, 2023 ( इंडिया 24 न्यूज ) : पंचायत समिती, शिरपूर व ग्रामपंचायत, बोराडी यांच्या संयुक्त विद्यमाने बोराडी ता. शिरपूर येथे आज विकसित भारत संकल्प यात्रा संपन्न झाली.

या कार्यक्रमास जिल्हा परिषदेचे अतिरिक्त मुख्य कार्यकारी अधिकारी चंद्रकांत पवार, उपमुख्य कार्यकारी अधिकारी (ग्रामपंचायत) गणेश मोरे, गटविकास अधिकारी एस.टी.सोनवणे, जिल्हा परिषद सदस्य, पंचायत समिती सदस्य, तालुक्यातील विविध गावांचे सरपंच, उपसरपंच तसेच ग्रामस्थ मोठ्या संख्येने उपस्थित होते.

केंद्र शासनाच्या विविध योजनांचा लाभ घेण्यासाठी पात्र असलेले मात्र अद्याप ज्यांना लाभ मिळू न शकलेल्या पात्रताधारक व्यक्तिंपर्यंत केंद्र शासनाच्या महत्वाकांक्षी योजनांचा लाभ पोहोचावा म्हणून केंद्र शासनातर्फे विकसित भारत संकल्प यात्रेचे आयेाजन करण्यात आले आहे. यावेळी यात्रेचे स्वागत ग्रामपंचायत पदाधिकारी व ग्रामस्थांच्या वतीने करण्यात आले.

विकसित भारत संकल्प यात्रेच्या माध्यमातून ग्रामस्थांना शासनाच्या कृषी, आरोग्य, शेतकरी, महिला, युवा यांच्यासाठी राबविण्यात येत असलेल्या विविध योजनांची माहिती एलईडी व्हॅनमार्फत देण्यात आली. तसेच लाभार्थ्यांकडून विविध योजनांचे अर्ज भरुन घेण्यात आले. यावेळी लाभार्थ्यांना पोषण आहाराचे वाटप करण्यात आले. यावेळी प्रधानमंत्री नरेंद्र मोदी यांच्या हस्ते आज झारखंड येथे झालेल्या प्रधानमंत्री महिला किसान ड्रोन केंद्र व जन औषध केंद्राचे लोकार्पण कार्यक्रमाचे लाईव्ह प्रक्षेपण ग्रामस्थांना दाखविण्यात आले. यावेळी ग्रामस्थ व लाभार्थी तसेच विविध विभागांचे अधिकारी व कर्मचारी उपस्थित होते.