🔹भारतरत्न डॉ.बाबासाहेब आंबेडकर स्वाधार योजनेसाठी 20 फेब्रुवारी पर्यंत अर्ज सादर करावेत..

मुख्य संपादक – श्री. तुळशीराम जांभूळकर

धुळे, दिनांक 2 फेब्रुवारी, 2024 ( इंडिया 24 न्यूज ) : शासकीय वसतीगृहात प्रवेश घेण्यास पात्र असलेल्या परंतु शासकीय वसतीगृहात प्रवेश न मिळालेल्या व शासकीय वसतीगृहात प्रवेश न घेतलेल्या तसेच निवास, भोजन व अन्य सुविधा अभावी पुढील शिक्षण घेवु शकत नसलेल्या अनुसुचीत जाती व नवबौद्ध विदयार्थ्यांनी स्वाधार योजनेसाठी 20 फेब्रुवारी, 2024 पर्यंत अर्ज सादर करण्याचे आवाहन समाज कल्याणचे सहायक आयुक्त सुंदरसिंग वसावे यांनी एका प्रसिद्धी पत्रकान्वये केले आहे.

शासकीय वसतीगृहात प्रवेश घेण्यास पात्र असलेल्या परंतु शासकीय वसतीगृहात प्रवेश न मिळालेल्या व शासकीय वसतीगृहात प्रवेश न घेतलेल्या तसेच निवास, भोजन व अन्य सुविधा अभावी पुढील शिक्षण घेवु शकत नसलेल्या अनुसुचीत जाती व नवबौद्ध विद्यार्थ्यांनी स्वाधार योजनेसाठी अकरावी व बारावी आणि त्यानंतरच्या व्यावसायिक, तसेच बिगर व्यावसायिक अभ्यासक्रमांमध्ये सन 2023-2024 या शैक्षणिक वर्षात प्रवेश मिळालेल्या अनुसुचीत जाती व नवबौद्ध विदयार्थ्याना भोजन, निवास व इतर सोयीसुविधा स्वत: उपलब्ध करून घेणेसाठी अनुदान आधार सलग्न बँक खात्यावर थेट जमा करण्याकरीता शासनाने सामाजिक न्याय विभागामार्फत भारतरत्न डॉ. बाबासाहेब आंबेडकर स्वाधार योजना सुरु केली आहे.

▪️असे आहेत निकष..

या योजनेचा लाभ घेण्यासाठी विदयार्थी अनुसूचित जाती व नवबौद्ध प्रवर्गातील असावा., विदयार्थ्याच्या पालकाचे उत्पन्न 2 लाख 50 हजार पेक्षा जास्त नसावे. विद्यार्थी हा स्थानिक नसावा. विदयार्थ्याने स्वतःचा आधार क्रमांक राष्ट्रीयकृत बँकेशी संलग्न केलेला असावा. बारावी नंतर मान्यताप्राप्त पदविका, पदवी, पदव्युत्तर, पदवी/पदविका अभ्यासक्रमाचा कालावधी 2 वर्षापेक्षा कमी नसावा. विदयार्थ्यास दहावी बारावी पदविका, पदव्युत्तर, पदवी,पदविका परिक्षामध्ये प्रतिवर्षी किमान 50 टक्के (अनुसुचीत जाती व नवबौद्ध घटकातील दिव्यांगासाठी 40 टक्के) गुण किंवा त्या प्रमाणात ग्रेडेशन असणे आवश्यक राहील. विदयार्थी जिल्हयाच्या मुख्यालयाच्या ठिकाणी म्हणजेच धुळे महानगरपालिका हद्दीपासुन 5 कि.मी. परीसरातील महाविदयालयात शिक्षण घेणारा असावा. विदयार्थ्याची महाविद्यालयातील उपस्थिती किमान 75 टक्के आवश्यक राहील.

या योजनेतंर्गत भोजन भत्ता 25 हजार, निवास भत्ता 12 हजार, निर्वाह भत्ता 6 हजार असे प्रति विद्यार्थी 43 हजार अनुदान देय राहील.वरील रकमेच्या व्यतीरीक्त वैदयकीय व अभियांत्रिकी शाखेतील विदयार्थ्यासाठी प्रतिवर्षी 5 हजार व अन्य शाखेतील विदयार्थ्यासाठी प्रतिवर्ष रु 2 हजार इतकी रक्कम शैक्षणिक साहीत्यासाठी अतिरीक्त स्वरुपात देण्यात येते. अधिक माहीतीसाठी संपर्क सहाय्यक आयुक्त, समाज कल्याण, धुळे, साक्री रोड, सिंचन भवन पाठीमागे, धुळे दूरध्वनी क्रमांक 02562- 297367 येथे विद्यार्थ्यांनी आवश्यक कागदपत्रासह नवीन व नूतनीकरणाचे परिपूर्ण अर्ज 20 फेब्रुवारी, 2024 पर्यंत कार्यालयीन वेळेत अर्ज सादर करावेत, असे आवाहन सहाय्यक आयुक्त श्री वसावे यांनी केले आहे.