घुग्घूस नगरपरिषदेच्या कर्मचारी समावेशनात झालेल्या प्रचंड भ्रष्टाचाराची तातळीने चौकशी करा !

*🔻श्री. अरविंद चहांदे*

*🔻चंद्रपूर तालुका उप प्रतिनिधी*

*🔻मो. नं. 9405714165*

घुग्घुस : नगरपरिषदेत ग्रामपंचायत कार्यकाळात कार्यरत कर्मचाऱ्यांना नगरपरिषदेत समाविष्ट करण्याच्या प्रक्रियेत प्रचंड भ्रष्टाचार झाले असून सदर समावेशन प्रक्रियेवर तातळीने स्थगिती आणून सदर प्रकरणाची उच्चस्तरीय चौकशी करण्याची मागणी काँग्रेस अध्यक्ष राजुरेड्डी व कामगार नेते सैय्यद अनवर यांनी जिल्हाधिकारी विनय गौडा यांना केली आहे

जवळपास 27 वर्षाच्या प्रदीर्घ कालावधीच्या संघर्षाला यश मिळून घुग्घुस ग्रामपंचायतचे रूपांतर 31/12/2020 रोजी नगरपरिषदेत झाली शासन नगर विकास विभागाने 10/02/2022 रोजी घुग्घुस नगरपरिषदेच्या आकृतीबंधास मान्यता दिली त्यानुसार दिनांक 12/01/2024 रोजी समावेशन आदेश पारित करण्यात आला यामध्ये घुग्घुस शहरातील स्थानिक युवकांवर प्रचंड अन्याय झाला आहे
नगरपरिषदेच्या प्रथम उदघोषणा नंतर म्हणजेच 31 ऑगस्ट 2020 रोजी व अंतिम उदघोषणा पूर्वी म्हणजेच 31 डिसेंबर 2020 पूर्वी
नियुक्ती मिळाल्याच्या कारणावरून सतीश सागर मुरार नाली सफाई कर्मचारी व अमोल विठ्ठल जुनारकर शिपाई या घुग्घुस निवासी युवकांवर अपात्रतेची कारवाई केली आहे.

सदर युवकांना ग्रामपंचायत नमुना 24 च्या आकृती बंधावर घेण्यासाठी दिनांक 28/05/2020 रोजी ठराव घेण्यात आला व यांना 01/09/2020 रोजी नियुक्ती देण्यात आली मात्र बाहेरून राजकीय वशीलयाच्या भरवश्यावर ग्रामपंचायतेत आलेला दिनेश अनिल बावणे यांचा ठराव 29/06/2020 चा असतांना व ठरावात स्पष्टरित्या बावणे यांची नियुक्ती सप्टेंबर महिन्यात करण्यात येईल असे स्पष्ट लिखित असतांना बावणे यांची नियुक्ती ऑगस्ट महिन्यात करून त्यांची नोकरी वाचविण्यात आली ?

मात्र स्थानिक युवकांचा ठराव बावणे यांच्या एक महिन्यापूर्वीचा असतांना त्यांना अपात्र का करण्यात आले ?

सदर सनावेशनात वरीष्ठतेनुसार ही नियुक्ती झाली नसून काही वरिष्ठ कर्मचाऱ्यांना अतिरिक्त यादीत टाकल्याने त्यांचा ही आक्षेप आहे.
सदर समावेशना पूर्वी कर्मचाऱ्यां कडून नगरपरिषदेच्या एका लिपिकाने श्रेणीनुसार पस्तीस हजार व पंचवीस हजार रुपये जमा केल्याचे व अपात्र कर्मचाऱ्यांचे पैसे परत दिल्याचे चर्चा संपूर्ण शहरात शुरु असून अनेक कर्मचाऱ्यांनी खाजगीत कबूल ही केले आहे
मात्र दडपशाहो व दबावाखाली असल्याने कर्मचारी समोरासमोर बोलण्याचे धाडस करीत नाही
मात्र याची चौकशी केल्यास संपूर्ण भ्रष्टाचाराचे उलगडा होईल.
कृपया या सदर प्रकरणाकडे तातळीने लक्ष देऊन समावेशनावर स्थगिती आणावी व दोषींवर कारवाईची मागणी काँग्रेस नेत्यांनी केली असून सदर अन्यायग्रस्त युवकांना न्याय न मिळाल्यास नगरपरिषदेच्या भ्रष्टाचारा विरोधात काँग्रेस पक्षाकडून तीव्र आंदोलन छेळण्याचा इशारा ही काँग्रेस नेत्यांनी केला आहे
सदर शिष्टमंडळात काँग्रेस नेते अलिम शेख,सोशल मिडिया अध्यक्ष रोशन दंतलवर,विशाल मादर,व अन्य पदाधिकारी उपस्थित होते.