राज जांभूळकर – मुख्य कार्यकारी संपादक
पनवेल – ( इंडिया 24 न्यूज ) : गिरजा वेल्फेअर असोसिएशनचे अनाथ मुलांसाठी गिरिजा बालगृह हे खारघर येथे वसतीगृह आहे. संस्थेचे अध्यक्ष श्री वसंत गंगय्या कुंजार असून रोशन पाटील, सुनंदा सपलींग, गणेश सपलींग,अनंत पाटील व मधुकर म्हात्रे हे सभासद आहेत. श्रीराज म्हात्रे हे तेथील व्यवस्था पाहतात.या संस्थेत 30 अनाथ मुलं असून संस्थेतर्फे त्यांची राहण्याची जेवणाची व शिक्षणाची उत्तम सोय केलेली आहे. पनवेलचे अभिनेता श्री रत्नकांत म्हात्रे व त्यांची पत्नी सौ आशा म्हात्रे यांनी 9 मे रोजी आपल्या लग्नाचा 25 वा वाढदिवस मुलांना जेवण देऊन मोठ्या उत्साहात साजरा केला. मुला मुलींचे वस्तीगृह, वृद्धाश्रम, अनाथाश्रम अशा ठिकाणी भेट देऊन तेथे आपले वाढदिवस आवर्जून साजरे करावेत . त्यांना आपल्यापरीने वस्तू कपडे या स्वरूपात मदत करावी व त्यांच्या सानिध्यात आपला दिवस सत्कारणी लावावा असे आवाहन अभिनेता रत्नकांत यांनी केले. आपल्या संस्थेला आवर्जून भेट दिली त्याबद्दल अध्यक्ष श्री वसंत कुंजार यांनी दोघांचे उभयतांचे आभार मानले.
