🔸 विदर्भ माऊली श्रीसंत वासुदेव महाराज पंढरपूर पायदळ वारी पालखीचे राज राजेश्वर नगरीत भव्य दिव्य स्वागत..

मुख्य संपादक तथा संचालक श्री. तुळशीराम जांभूळकर

अकोला- ( इंडिया 24 न्यूज ) : वारकरी संप्रदायाचे सद्गुरु विदर्भ माऊली श्रीसंत वासुदेव महाराज यांचा पालखीचे राज राजेश्वर नगरी अकोला मध्ये चार दिवस मुक्काम होते. वेगवेगळ्या परिसरात या पालखीचे भव्य दिव्य स्वागत करण्यात आले. अनेक ठिकाणी रांगोळी काढून, फटाके फोडून, हरी नामाचा जप करीत, भजन, कीर्तन ,प्रवचन पावली, भारुड, भक्ती गीतांनी, हरिनामाच्या गजराने राज राजेश्वर नगरी भक्ती भावांनी दुम दुमुन गेली होती . श्रद्धा सागर अकोट येथून निघालेली श्री संत वासुदेव महाराज यांच्या पालखीचे राजराजेश्वर नगरी अकोला येथे भक्ती भावाने धुमधडाक्यात स्वागत करण्यात आले .अनेक ठिकाणी वारकऱ्यांना नित्य उपयोगी पडणाऱ्या अनेक वस्तूचे वाटप अकोला येथील वासुदेव महाराजांच्या भक्तांनी केले. विदर्भातील एकमेव अशी ही पालखी आहे या पालखीमध्ये सहभागी सर्व वारकऱ्यांचा विमा काढलेला आहे. स्त्री पुरुष लहान मोठे जत धर्म पंथ कोणताही भेदभाव न ठेवता सर्वांना या पालखीमध्ये प्रवेश दिला आहे. 250 स्त्री पुरुष वारकऱ्यांचा सहभाग या पायदल वारीमध्ये आहे. 650 किलोमीटरचे अंतर या वारकऱ्यांना पैदल चालावे लागते . 26 दिवसांचा प्रवास 26 मुक्काम , 52 वेळाचे जेवण ,नाश्ताची व्यवस्था लोकसभागातून भक्तगणांनी संयमस्कृतीने महाराजांच्या भक्तांनी केली आहे. संपूर्ण पालखी प्रवासात वारकऱ्यांना शुद्ध आरोचे पाणी पुरवठा केला जात आहे. महाराजांचे दोन रथ, वारकऱ्यांचे सामान ठेवण्याकरता एक ट्रक, वारकऱ्यांच्या तब्येतीची काळजी घेण्याकरता ॲम्बुलन्स औषधासह वारकऱ्यांसोबत वारीत सेवा देत आहे. अनेक नामवंत गायक, वादक, कीर्तनकार ,प्रवचनकार या वारीमध्ये आपले सेवा देत आहे. श्रीसंत वासुदेव महाराज ज्ञानपीठ संस्थेचे अध्यक्ष विश्वस्त मंडळी या पालखी पायी वारी करीत असून भक्तगणांच्या प्रत्येक अडचणी सोडवण्यासाठी प्रयत्न करीत आहे. या वारीचे वैशिष्ट्य असे की या वारीमध्ये दोन्ही पायाने अपंग असलेले जिल्हा परिषद नगर खडकी येथील दिव्यांग वारकरी रवी बोचे हे आपल्या दिव्यांग गाडीने वारीमध्ये प्रवास करीत आहेत. अशा अनेक वैशिष्ट्यांनी परिपूर्ण असलेल्या श्रद्धासागर ते पंढरपूर वारीचे अकोला राज राजेश्वर नागरी मध्ये सर्व भक्त गणांनी वेगवेगळ्या परिसरामध्ये भव्य दिव्य असे स्वागत केले त्यामध्ये गुरूवारी दिनांक २०/०६/२०२४ रोजी सायंकाळी ६ वा. अकोला रेल्वेस्टेशन चौक हिंदू धर्मशाळा येथे विविध मान्यवराच्या उपस्थितीमध्ये भव्य स्वागत करण्यात आले.आकोला शहरामधील पालखीचा मार्ग

सायंकाळी ६वा.रेल्वेस्टेशन चौक आगमन व स्वागत,वामनराव पुंडकर,राजू पुंडकर व स्टेट बँक,तापडीया नगर,मा हॉस्पिटल,सातव चौक,दिवेकर सभागृहात गोपाळराव दोड,प्रभाकर दोड रात्रीचा मुक्काम किर्तन प्रवचन व भोजनाचा कार्यक्रम पार पडला.शुक्रवारला सकाळी सिध्दीविनायक मंदीरा जवळून गुप्ते मार्ग, वामनराव पुंडकर परिवार,उमरी रोडने- स्व.वसंतराव पागृत परिवार,संतोष सावरकर, लोखंडे लेआऊट मोठी उमरी,विठ्ठल मंदीर दुपार विसावा, भोजन प्रवचन कार्यक्रम पार पडला.शिवाजी चौक,श्यामभाऊ सोनटक्के,जठारपेठ चौक-रतनलाल प्लॉट,अनंत मेडीकल,सिव्हिल लाईन चौक,अशोक पटोकार,गणेश मंदीर,गणेशराव देठे,जैन वाटिका,ताथोड मंगल कार्यालय,अॕटो स्माइल गॕरेज,जवाहर नगर चौक,मुकुंदनगर,गजानन वाटिका,गजानन महाराज मंदीर,संतोष सावरकर येथे राञीचा मुक्काम किर्तन भोजनाचा कार्यक्रम पार पडला.
शनिवार दि.२२ला गजानन पेठ,एसबीआय कॉलनी,प्रा.गोपाल झामरे,राऊतवाडी,छोटी उमरी हनुमान मंदीर,हनुमान नगर,वृंदावननगर जयदीप सोनखासकर व मिञपरिवार,श्रीराम मंदीर,चतुर्भुज कॉलनी,रवीनगर,तोष्णिवाल लेआऊट,द्वारकानगरी राजुभाऊ मोहोकार,आ.अमोल मिटकरी,स्व.बाबुरावजी पविञकार व परिवार येथे दुपारी विसावा प्रवचन भोजनाचा कार्यक्रम पार पडला.शकील गॕरेज,किर्तीनगर,गोरक्षण रोड,सहकारनगर,गजानन महाराज मंदीर पंकजभाऊ जायले,तुषार जायले व मिञपरिवार,तुकाराम चौक,गुरूकुलनगरी,हनुमान मंदीर,श्रीधरराव टिकार येथे राञीचा मुक्काम किर्तन भोजनाचा कार्यक्रम पार पडला.
रविवार दि.२३ला कोलखेड रोडने दत्त मंदीर,अविभाऊ गावंडे व भक्तपरिवार,काकड,कौलखेड चौक,वामनराव अरबट,भुजंगराव साबळे,सिंधीकॕम्प,पाटील दुध डेअरी संचालक वासुदेवराव महल्ले पाटील यांच्या घरी दुपारी विसावा, किर्तन भोजन कार्यक्रम पार पडला.आळशी प्लाॕट,बसस्ट्ँड,निशांत टॉवर,गांधी चौक,संतोष हुशे,सिटी कोतवाली,राजेश्वर मंदीर,हरिहरपेठ,राजेश मिश्रा परिवार,वाशीम बायपास चौक,गोकुल अहीर,सतीष दुतोंडे सोमठाणा,धोटे टेलर्स,प्रभात किडस्-गजानन नारे यांच्याकडे राञीचा मुक्काम किर्तन भजन स्वागताचा कार्यक्रम पार पडला सोमवारी सकाळी ६वा.पालखी सोहळा चिखलगाव-पातूर मार्गे पंढरपूर करीता भक्ती भवाने प्रस्थान केले.वरील पालखीसोहळा कार्यक्रमाला भाविक भक्तांनी बहुसंख्येने सहभागी होऊन प्रचंड गर्दी केली होती. श्रीसंत वासुदेव महाराज भक्तपरिवार तथा अकोला शहर स्वागत समितीच्या वतीने राज राजेश्वर नगरीमध्ये उत्कृष्ट अशा स्वागत भोजन चहा नाश्ता व भक्तगणांना वारीमध्ये आवश्यक असलेल्या वस्तूचे वाटप करण्यात आले आहे. वासुदेव महाराज भक्तगणांनी या वारीमध्ये मोठ्या प्रमाणात उत्साहात राजराजेश्वर नगरी मधील हा चार दिवस चा प्रवास आनंदात उत्साहात पार पाडला. अशी माहिती या वारीमध्ये सहभागी असलेले वारकरी समाजसेवक गजानन हरणे यांनी प्रसिद्ध पत्रकाद्वारे कळविली आहे.