🔸30 जून रोजी सर्व समाजातील गुणवंत विद्यार्थी सत्कार समारंभ व व्याख्यान..

राज जांभूळकर – मुख्य कार्यकारी संपादक

चंद्रपूर – ( इंडिया 24 न्यूज ) : 26 जून यंदाचे वर्ष पुण्यश्लोक अहिल्यादेवी होळकर त्रिशताब्दी जयंती महोत्सवाचे असून, त्यानिमित्त जिल्ह्यात वार्षिक कार्यक्रमांचे आयोजन करण्यात आले आहे. त्यातील एक उपक्रम म्हणून येत्या रविवारी, 30 जून रोजी दुपारी 2 वाजता येथील जनता कनिष्ठ महाविद्यालय, नागपूर रोड, चंद्रपूर च्या सभागृहात सर्व समाजातील 10 व 12 वीतील गुणवंत विद्यार्थ्यांचा सत्कार समारंभ व व्याख्यानाचे आयोजन करण्यात आले आहे.
या सत्कार सोहळ्याचे उद्घाटन चंद्रपूर थर्मल पावर स्टेशनचे मुख्य अभियंता गिरीश कुमारवार यांच्या हस्ते तर अध्यक्षस्थानी पुण्यश्लोक अहिल्यादेवी होळकर त्रिशताब्दी जयंती समारोह नागरी समितीचे अध्यक्ष डॉ. मंगेश गुलवाडे राहतील. तर प्रमुख अतिथी तथा वक्ता म्हणून नागपूर येथील प्रियदर्शिनी इंजिनिअरिंग कॉलेजचे उपप्राचार्य डॉ. गजेंद्र आसुटकर यांची उपस्थिती राहणार आहे. सर्व समाजातील 10 व 12 मध्ये 85 टक्के किंवा त्यापेक्षा जास्त गुण प्राप्त करणार्‍या विद्यार्थ्यांचा यावेळी सत्कार होणार आहे. अधिक माहितीसाठी आशिष चोपडे (भ्रमणध्वनी क्रमांक 9923197473) यांच्याशी संपर्क साधावा, असे आवाहन पुण्यश्लोक अहिल्यादेवी होळकर त्रिशताब्दी जयंती समारोह नागरी समितीतर्फे करण्यात आले आहे.