🔸संभाजी भिडे यांना आयोगाची दुसरी  उत्तर देण्यासाठी दोन दिवसांची मुदत..

सुबोध सावंत -मुंबई विभागीय प्रतिनिधी

मुंबई : (इंडिया 24 न्यूज )महिला पत्रकाराशी बोलताना केलेल्या वादग्रस्त विधानामुळे चर्चेत आलेले संभाजी भिडे यांना महिला आयोगाने दुसऱ्यांना नोटीस बजाविली.
महिला पत्रकाराला उद्देशून केलेल्या वक्तव्याबाबत भिडे यांना खुलासा करण्यासाठी मुदत देण्यात आली होती.
मात्र त्यांनी खुलासा न केल्याने त्यांना दुसऱ्यांना नोटीस बजावून दोन दिवसांची मुदत देण्यात आली आहे.
या मुदतीत त्यांनी आपली बाजू न मांडल्यास याप्रकरणी एकतर्फी निर्णय घेण्यात येईल,
असे महिला आयोगातर्फे या नोटिशीत स्पष्ट करण्यात आले.

संभाजी भिडे यांनी काही दिवसांपूर्वीच मंत्रालयात मुख्यमंत्री एकनाथ शिंदे यांची भेट घेतली होती.
या भेटीबाबत त्यांना एका खासगी वाहिनीच्या महिला पत्रकाराने विचारणा केली असता,
‘प्रत्येक स्त्री भारतमातेचे रूप आहे.
भारत माता विधवा नाही.
कुंकू लाव,
मग तुझ्याशी बोलेन,’
अशी प्रतिक्रिया भिडे यांनी दिली होती.
त्यांच्या या वक्तव्यानंतर राज्यभरातून संतप्त प्रतिक्रिया उमटल्या.
राज्य महिला आयोगाने याची गंभीर दखल घेत त्यांनी नोटीस बजावली.
या नोटिशीला भिडे यांनी कोणतेही उत्तर दिले नाही.
आता महिला आयोगाच्या अध्यक्ष रूपाली चाकणकर यांनी दुसरी नोटीस बजावली.

‘महिला पत्रकाराचा टिकली लावली नाही,
म्हणून अवमान करणाऱ्या संभाजी भिडे यांनी आपल्या वक्तव्याचा तातडीने खुलासा करावा,
अशी नोटीस आयोगाकडून
२ नोव्हेंबर २०२२ रोजी बजावण्यात आली होती.
यावर अद्याप खुलासा न आल्याने त्यांना आज पुन्हा नोटीस बजावण्यात आली,’ असे सांगण्यात आले.
‘या नोटिशीला विहीत मर्यादेत उत्तर न दिल्यास त्यांचे काहीही म्हणणे नाही,
असे गृहीत धरून पुढील कार्यवाही करण्यात येणार आहे,’ असे नोटिशीत नमूद करण्यात आले आहे.