🔸भद्रावती येथे भव्य दिव्य धार्मिक कार्यक्रम संपन्न..

*🔸सौ. शिल्पा बंनपुरकर*
*🔸संपादक*
*🔸मो नं. 7030292628*

भद्रावती – ( इंडिया 24 न्युज ) : येथील नुकताच सुरभी कॉलनी, संताजी नगर, भद्रावती येथे वास्तव्यास असलेले अरुण भाऊराव खोब्रागडे व जयमला अरुण खोब्रागडे यांची कन्या स्वाती चांदेकर यांना तब्बल १२ वर्षांच्या कालखंडानंतर कन्यारत्न प्राप्त झाल्याच्या आनंददायी निमित्ताने एक भव्य धार्मिक कार्यक्रमाचे आयोजन करण्यात आले.
हनुमान जयंतीच्या पावन पर्वावर खोब्रागडे व चांदेकर परिवार तसेच हनुमान मंदिर विश्वस्त समिती, सुरभी कॉलनी, संताजी नगर, भद्रावती यांच्या संयुक्त विद्यमाने सामुदायिक प्रार्थना व सुश्राव्य भजन संध्याचा अत्यंत भावपूर्ण कार्यक्रम संपन्न झाला.
या कार्यक्रमाचे मार्गदर्शन मारोतराव ठेंगणे (प्रचार प्रमुख, यवतमाळ जिल्हा (अ) विभाग) यांच्या उपस्थितीत झाले व प्रार्थनेच्या महत्वावर मार्गदर्शन जिल्हा महिला सेवाधिकारी ह भा प सौ सुवर्णाताई प्र पिंपळकर, यांनी केले,
तसेच श्री गुरुदेव सेवा मंडळ वणी, मारेगाव व भद्रावती तालुक्यातील गुरुदेव प्रचारक मोठ्या संख्येने उपस्थित होते.
कार्यक्रमास प्रमुख उपस्थिती म्हणून यवतमाळ वणी तालुका सेवाधिकारी दिलीप डाखरे, मारेगाव तालुका सेवाधिकारी सुनील देऊळकर, चंद्रपूर प्रकाश पिंपळकर, कडूकर , प्रवीण पेचे (मध्यवर्ती प्रतिनिधी), सुरज येवले (प्रसिद्ध प्रमुख, मारेगाव तालुका), तसेच प्रकाश मोरे, खुशाल उरकुडे, दिलीप मोरे, गणेश कडू, प्रथमेश दादा मोरे आणि मारेगाव तालुक्यातील उत्कृष्ट अभंग गायक किशोर जुमडे उपस्थित होते.
सुरभी कॉलनी व संताजी नगर परिसरातील महिला व पुरुषांच्या मोठ्या उपस्थितीत हा कार्यक्रम अतिशय उत्साहात व भक्तिमय वातावरणात पार पडला.
विशेष म्हणजे, चंद्रपूर जिल्हा महिला सेवाधिकारी सुवर्णा पिंपळकर व प्रकाश पिंपळकर या दाम्पत्यांनी या प्रार्थनेची परंपरा अखंड सुरू ठेवण्यासाठी पुढाकार घेत दुसऱ्या दिवशीही सर्व वॉर्ड वासीयांना सोबत घेऊन प्रार्थना आयोजित केली.