🔸मराठायोद्धा मनोज जरांगे पाटलाच्या आंदोलनाला यश..🔸पातुर जुने बस स्थानकावर मराठा बांधवांचा जल्लोष..

🔸फटाक्यांची आतिषबाजी ढोलावर थीरकले मराठा कार्यकर्ते पेढे वाटून केला आनंद साजरा

Mr. Tulshiram JambhulkarJanuary 29, 2024

राज जांभूळकर – मुख्य कार्यकारी संपादक

अकोला – ( इंडिया 24 न्यूज ) : अखिल भारतीय मराठा सेवा संघ व जिल्ह्यातील गरजवंत सकल मराठा समाजाची टीम मराठायोद्धा मनोज जरांगे पाटील यांच्या आरक्षण लढाला समर्थन व सहभागी होण्याकरता चरणगाव पातुर येथील उपोषणाचे संयोजक राजेश देशमुख यांच्या नेतृत्वात व मराठा योद्धा समाजसेवक गजानन हरणे यांच्या मार्गदर्शनात पातुर येथील तहसील कार्यालयासमोरून मुंबई येथे गेली होती.

या आंदोलनाला यश मिळाल्याने मुंबई येथून पातुर येथे आज परत आलेल्या मराठा बांधवांनी पातुर चे जुने बस स्थानकावर जल्लोष करून आनंद व्यक्त केला.यावेळी या टीमचे नेतृत्व करणारे राजेश दादाराव देशमुख यांच्यासह संपूर्ण टीमचे स्वागत आणि सत्कार या ठिकाणी करण्यात आला
यावेळी मराठा भूषण समाजसेवक गजानन हरणे, समाजसेविका कमलजीत कौर, युवा समाजसेवक केलविल सुबी, अखिल भारतीय मराठा सेवा संघाचे राष्ट्रीय संघटक दादाराव पाथरीकर, अखिल भारतीय मराठा सेवा संघाचे जिल्हा प्रवक्ता देवानंद गहिले, निर्भय बनो चे जिल्हाध्यक्ष प्रमोद धर्माळे, नंदकिशोर गावंडे, सुरेश देशमुख, सचिन देशमुख, सुधीर देशमुख, शंकर देशमुख तसेच मराठा कार्यकर्ते रमेश देशमुख, योगेश इंगळे, रामकृष्ण बोराडे, अजय कदम, संजय देशमुख, मधुकर देशमुख, विलास देशमुख, अरुण देशमुख, नागेश देशमुख, बाबासाहेब देशमुख, प्रतिक देशमुख, मंगेश देशमुख यांच्यासह इतर मराठा कार्यकर्ते या ठिकाणी उपस्थित होते. सदर मराठा कार्यकर्ते हे आरक्षण मिळेपर्यंत परत येणार नसल्याचा संकल्प त्यांनी यावेळी केला होता त्यामुळे जेवणाचे राहण्याचे झोपण्याचे इंधन काळी सह सर्व साहित्य त्यांनी सोबत नेले होते. आणि आज आंदोलन यशस्वी करूनच ते आले.

यावेळी मराठा आरक्षण चरणगाव येथील उपोषणाच्या संयोजक राजेश दादाराव देशमुख यांनी मराठा समाज बांधवांच्या तसेच माननीय जरांगे पाटील यांच्या आंदोलनाची तात्काळ दखल घेतल्याने महाराष्ट्र राज्याचे मुख्यमंत्री एकनाथ शिंदे आणि प्रशासन यांचे त्यांनी यावेळी आभार व्यक्त केले. यावेळी अकोला जिल्ह्याचे मराठा आरक्षणाचे जनक यांनी सहा दिवस आमरण उपोषण केले असे मराठा योद्धा गजानन हरणे यांचा सन्मान गौरव सत्कार करण्यात आला.यावेळी जरांगे पाटील तुम आगे बढो हम तुम्हारे साथ है जय जिजाऊ जय शिवराय अशा घोषणा यावेळी दिल्या. लोकांना पेढे वाचून आनंद उत्सव साजरा करण्यात आला.