🔸संकल्पना चिमुकल्यांची.. साकार केली आई-वडिलांनी..

संपादक – 🔹शिल्पा बनपूरकर

राजुरा : ( इंडिया 24 न्यूज ) – सोमवार, दि. 19 फे. :
1869 साली महात्मा ज्योतीबा फुले रायगडावर गेले, त्यांनी शिवरायांच्या समाधीचा शोध घेतला आणि त्या समाधीला पुष्पमाला अर्पण करुन दर्शन घेतले व शिवजयंती उत्सवाला फुलेंनी सुरुवात केली.
महाराष्ट्राचे आराध्य दैवत छत्रपती शिवाजी महाराज यांची जयंती आज मोठ¬ा उत्साहात जगभर साजरी करण्यात येते.

चौका-चौकात शिवरायांची जयंती मोठा उत्साहात साजरी करुन ढोल-ताशे व डी.जे.च्या गजरात मिरवणुकही काढली जाते. परंतु घरगुती शिवरायांची जयंती साजरी होतांना क्वचितच आढळते. अशीच एक शिव जयंती राजुरा तालुक्यात धोपटाळा येथे साजरी करण्यात आली.

कु. ओजस्वी व चि. रेहांश हे 5 व 6 वर्षांचे चिमुकले, लहानपणापासुनच त्यांचे आई-वडील शिवजयंती निमीत्त त्यांना चौकात घेवुन जायचे व जन्मोत्सवात सहभागी व्हायचे. आता मुलांना समज येवु लागल्याने त्यांनी या वर्षी आई-वडीलांसमोर एक संकल्पना मांडली की, आपणही आपल्या घरी महाराजांचा जन्मोत्सव साजरा करु, आपल्या घरी झेंडा लावु आणि तोरण बांधु. आई-वडिलांनी मुलांच्या या विचाराचे स्वागत करुन त्यांच्या संकल्पनेला दुजोरा दिला.
राजुरातील व्यवसायीक ग्लोबल ग्राफिक्सचे संचालक श्री. गजानन तपासे व त्यांची अर्धांगिनी सौ. राजश्री गजानन तपासे यांनी ही संकल्पना प्रत्यक्षात उतरविली आणि आपल्या चिमुकल्यांसोबत छत्रपतींचा शिवजन्मोत्सव मोठ¬ा उत्साहात आपल्या घरी साजरा केला.
सकाळीच दारासमोर शेणपाण्याचा सडा टाकुन, दारावर आंब्याच्या पानाचे तोरण बांधली, अंगणात भगवा पताका व घरावर भगवा झेंडा लावण्यात आला. कु. ओजस्वी व चि. रेहांश यांनी आपल्या वार्डातील मित्र – मैत्रिणींना घरोघरी जावुन शिवजन्मोत्सवाला घरी यायचं आमंत्रण दिलं.

सगळे चिमुकली मंडळी एकत्रित आपल्यानंतर सर्वप्रथम शिवरायांच्या मुर्तीला पुष्पामाला अर्पण करुन शिवरायांच्या नावाचा जयघोष करण्यात आला. तद्नंतर मुलांना गोड खाऊचे वाटप करण्यात आले. त्यानंतर शिवरायांबद्दल थोडक्यात माहीती देवुन मुलांचे डॉन्स घेवुन मुलांचा आनंद व्दिगुणीत करण्यात आला व शेवटी मुलांना उपहार देवुन कार्यक्रमाची सांगता करण्यात आली.
या कार्यक्रमाप्रसंगी माँसाहेब जिजाऊंच्या भुमिकेत कु. ओजस्वी गजानन तपासे व कु. माही सुरज पिंपळशेंडे तर शिवरायांच्या भुमीकेत चि. रेहांश चंद्रकांत तपासे ही चिमुकले सर्वांचे लक्ष वेधुन घेत होते.
या कार्यक्रमाच्या यशस्वीतेकरीता श्री. चंद्रकांत तपासे, सौ. प्रिती तपासे, सौ. पुजा सुरज पिंपळशेंडे यांची मोलाची मदत लाभली.
भविष्यात प्रत्येक घरोघरी सर्व थोर महापुरुषांचे जयंती उत्सव अशाच प्रकारे साजरे व्हावे अशी आशा आयोजकांनी बाळगली.