आपला जिल्हा क्रीडा व मनोरंजन ताज्या घडामोडी महाराष्ट्र राजकीय

🔸राष्ट्रीय एकता दिनानिमित्त , धुळ्यात सोमवारी एकता रॅलीचे आयोजन..

Mr. Tulshiram JambhulkarOctober 29, 2022

मुख्य संपादक श्री. तुळशीराम जांभूळकर

धुळे, दि. 29 ( इंडिया 24 न्यूज ) : सरदार वल्लभभाई पटेल यांच्या जयंतीनिमित्त सोमवार, 31 ऑक्टोबर, 2022 रोजी सकाळी साडेसात वाजता राष्ट्रीय एकता रॅलीचे आयोजन करण्यात आले आहे, असे निवासी उपजिल्हाधिकारी संजय गायकवाड यांनी प्रसिद्धीस दिलेल्या शासकीय पत्रकान्वये कळविले आहे.

सरदार वल्लभभाई पटेल उद्यानापासून (टॉवर गार्डन) एकता रॅलीला सुरवात होईल. प्रारंभी राष्ट्रीय एकता दिवसाची उपस्थितांना शपथ देण्यात येईल. जमनालाल बजाज मार्ग, आग्रा रोड, महानगरपालिकेची जुनी इमारतमार्गे रॅली जिल्हाधिकारी कार्यालयाच्या आवारात पोहोचेल. तेथे रॅलीचा समारोप होईल. या रॅलीत सर्व शासकीय अधिकारी, कर्मचारी, खेळाडू, क्रीडा मार्गदर्शक, नागरिक यांनी मोठ्या संख्येने उपस्थित राहावे, असे आवाहन निवासी उपजिल्हाधिकारी श्री. गायकवाड यांनी केले आहे.