आपला जिल्हा ताज्या घडामोडी महाराष्ट्र राजकीय

🔹अष्टमंगलम फाउंडेशन तर्फे सेवानिवृत्त समाज कल्याण सहआयुक्त अधिकारी आयु.गौतम वाकोडे सर यांचा निरोप समारंभ उत्साहात..

Mr. Tulshiram JambhulkarNovember 2, 2022

राज जांभूळकर – मुख्य कार्यकारी संपादक

वर्धा: समाज कल्याण सहआयुक्त श्री. गौतम वाकोडे सर यांचा निरोप समारंभ समाज कल्याण वर्धा येथील कर्मचारी व पदाधिकारी यांच्या मार्फत उत्साहात साजरा करण्यात आला.निरोप समारंभ कार्यक्रमाच्या अध्यक्षस्थानी मा.डॉ. कुशेकर सर हे उपस्थित होते.तसेच मंचकावर मा.चव्हाण साहेब जिल्हा जातपडताळणी समिती वर्धा उपायुक्त अधिकारी,चांदेकर सर आणि कर्मचारी वृंद सदस्य ,सत्कारमूर्ती आदरणीय गौतम वाकोडे सर सोबत त्यांच्या कुटुंबातील सदस्य मुलगी डॉ. नेहा मुलगा अक्षय,पत्नी रेखाताई वाकोडे उपस्थित होते.कार्यक्रमात मंचकावरील पाहुण्यांच्या हस्ते सेवानिवृत्त अधिकारी सहआयुक्त गौतम वाकोडे यांना भेटवस्तू देऊन त्यांचा सत्कार करण्यात आला.आपले मनोगत व्यक्त करताना सत्कारमूर्ती सहआयुक्त गौतम वाकोडे सर यांनी सांगितले की शासकीय सेवेत काम करताना अनेक चढ उतार येत असतात,तसेच अनेक कठीण प्रसंगातून जावे लागते, तेव्हा सर्व कर्मचाऱ्यांनी नियमानुसार कामे करावे असे मनोगत व्यक्त केले. या प्रसंगी ते खूप भावनिक झाले होते व त्यांच्या डोळ्यातून अश्रु निघत असताना सभागृहात भावनिक वातावरण निर्माण झाले होते. तसेच समारंभाच्या अध्यक्षस्थानी असलेल्या मा.डॉ.कुशेकर सर व इंजि. राजेश खडसे सर यांनी आपल्या भाषणात सांगितले की सेवानिवृत्त कर्मचारी यांची काम करण्याची पद्धत चांगली असून त्यांची कारकीर्द चांगल्या पद्धतीने पार पडली.तसेच ह्या प्रमाणे सर्वांनी जबाबदारीने कामे करावे असे मनोगत व्यक्त केले.सदर कार्यक्रमाचे संचालन Adv. पाडवार सर यांनी केले तर आभार इंजि. राजेश खडसे सर यांनी मानले.कार्यक्रमाला अष्टमंगलम फाउंडेशनचे सदस्य इंजि.राजेश खडसे,इंजि. सुमेध बन्सोड, गौतमभाऊ देशभ्रतार, इंजि. अनिल इंगळे,इंजि.संदिप काळबांडे,प्रशांत भगत,नगराळे सर,प्रलय तेलंग सर,प्रवीण बन्सोड,ग्रामसेवक,विशाल फुलझेले ग्रामसेवक यासोबत इतर कर्मचारी व सामाजिक कार्यकर्ते मोठ्या संख्येने उपस्थित होते.