लोकसंख्येच्या बाबतीत भारताने चीनला आधीच मागे टाकलंय..पहा आकडेवारी काय सांगतेय ?
सुबोध सावंत -मुंबई विभागीय प्रतिनिधी
मुंबई (इंडिया 24 न्यूज )जगातील सर्वाधिक लोकसंख्या असलेला देश म्हणून भारताने चीनला मागे टाकलं आहे. ब्लूमबर्गने वर्ल्ड पॉप्युलेशन रिव्ह्यूच्या अंदाजाचा हवाला देत याबाबत अहवाल दिला आहे.
भारताची लोकसंख्या चीनपेक्षा अधिक
अहवालानुसार, सध्या भारताची लोकसंख्या 1.428 अब्ज आहे. भारताची लोकसंख्या वाढ मंदावली असली तरी किमान 2050 पर्यंत ही संख्या वाढत राहण्याची अपेक्षा आहे असे जागतिक लोकसंख्या पुनरावलोकनाने म्हटले आहे. दुसरीकडे, नॅशनल स्टॅटिस्टिक्स ब्युरोने जाहीर केलेल्या आकडेवारीनुसार, वर्षभरापूर्वीच्या तुलनेत 2022 मध्ये चीनची लोकसंख्या 8,85,000 ने कमी झाली.
1980 पासून चीनमध्ये एक मूल धोरण
लोकसंख्या वाढीवर निर्बंध आणून त्याचे सामाजिक आणि आर्थिक परिणाम कमी करणे हे होते. या नियमाचे उल्लंघन करणाऱ्यांवर दंडासह कडक अंमलबजावणीही करण्यात आली. परंतु आता मात्र बीजिंग आपली लोकसंख्या वाढवण्याचा प्रयत्न करत आहे. त्यासाठीच अधिक जन्मांना प्रोत्साहन देण्यासाठी चीनमध्ये कर कपात, दीर्घ प्रसूती रजा आणि गृहनिर्माण सबसिडी ऑफर केली जात आहे.
