आपला जिल्हा ताज्या घडामोडी देश विदेश महाराष्ट्र

🔸प्रभाग क्रमांक ०८ मधून शिवसेना (उ.बा.ठा.) च्या सौं. टीना ठाकरे

🔸सेवाभाव, शिक्षण आणि समाज कार्याचा सुंदर संगम..!

Chief EditorNovember 26, 2025

डॉ. आनंदराव कुळे
मुल तालुका प्रतिनिधी
मो. क्र. ९४०३१७९७२७

मुल – ( इंडिया २४ न्यूज ) : मूल शहरात सदैव सेवेत असलेली सौं. टीना राजेश ठाकरे या नावामागे समाजसेवेची एक जिवंत प्रेरणा दडलेली आहे. उच्चशिक्षित, समर्पित आणि कर्तृत्ववान अशा या युवा महिला नेतृत्वाने अल्पावधीतच सामाजिक,बचत गट आणि महिला सक्षमीकरणाच्या क्षेत्रात आपले स्वतंत्र स्थान निर्माण केले आहे.

महिलांच्या स्वावलंबनासाठी, शिक्षणासाठी आणि आरोग्य जागृतीसाठी त्या सातत्याने प्रयत्नशील आहे. त्यांच्या या सेवाभावी वृत्तीमुळे त्या स्थानिक नागरिकांच्या मनात विशेष स्थान निर्माण करण्यात यशस्वी झाल्या.

प्रभागातील सर्वसामान्य नागरिकांसाठी त्या नेहमी उपलब्ध असतात. गरजू रुग्णांना स्वतः दवाखान्यात घेऊन जाणे, वृद्ध आणि असहाय लोकांना शासकीय योजनांची माहिती देणे, तसेच सवलतीच्या आरोग्य सेवांचा लाभ मिळवून देणे हे त्यांचे दैनंदिन कार्य बनले आहे.

निडरपणे सामाजिक प्रश्न मांडणाऱ्या, सेवाभावी, शिक्षित आणि संवेदनशील नेत्या म्हणून उदयास येत आहेत.
त्या शिवसेना (उ. बा. ठा.) पक्षाकडून प्रभाग क्रमांक ०८ मधून नगर सेवक पदासाठी उभ्या आहेत. त्यांचा सेवाभाव, नेतृत्वगुण आणि प्रामाणिक प्रयत्नांच्या आधारे मतदारांमध्ये त्यांना चांगला प्रतिसाद मिळत आहे.