🔸प्रभाग क्र. ०७ मध्ये सौं. माधुरी करकाडे यांचा नागरिकांशी सुसंवाद..

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मूल – ( इंडिया 24 न्युज ) : मूल नगर परीषदेतील अनेक उमेदवार जनतेच्या उत्स्फूर्त प्रतिसादामुळे चर्चेत आहेत. अशापैकी एक सौं. माधुरी करकाडे ह्या प्रभाग ०७ च्या धडाडीच्या, कार्यतत्पर व गुणी उमेदवार असून त्या गृहभेटींवर भर देत नागरिकांशी सुसंवाद साधत आहेत.

मूल शहरातील प्रभाग क्र. ०७ हा एक महत्त्वाचा प्रभाग असून येथील विविध समस्या सोडवण्यासह शहराच्या विकासात योगदान देण्यासाठी सौं. माधुरी करकाडे ह्या नागरिकांचा आशीर्वाद प्राप्त करत प्रभागातील प्रत्येक घराला भेट देत आहेत. विविध सामाजिक, सांस्कृतिक उपक्रमात नेहमीच उत्साही सहभाग असलेल्या व जनतेच्या समस्यांप्रति संवेदनशील असलेल्या सौं.माधुरीताई जनतेशी सुसंवाद साधत त्यांच्या समस्या जाणून घेत आहेत. या समस्या सोडवण्यासाठी त्या सर्वतोपरी प्रयत्न करण्याची ग्वाही देत असून त्यांच्यात तशी पूर्ण क्षमता असल्याचे नागरिकही म्हणत आहेत. म्हणूनच त्यांची सक्रियता, सक्षमता तसेच शहरविकासाप्रतीची आस्था लक्षात घेत भारतीय जनता पक्षाने त्यांना प्रभाग क्र. ०७ मधुन उमेदवारी बहाल केली आहे. भाजपच्या मूल नगर परीषदेच्या नगराध्यक्ष पदाच्या उमेदवार डॉ. सौं. किरण कापगते यांच्या प्रचाराचा झंजावात सुरू असताना त्यांच्या नेतृत्वात सौं. माधुरी करकाडे यांनी सुद्धा प्रभागात कमळ फुलवण्यासाठी सर्व शक्तीनिशी प्रयत्न सुरू केले आहेत. त्या गृहभेटींच्या माध्यमातून नागरिकांना भेटून त्यांच्या समस्या जाणून घेतानाच या सर्व समस्या सोडवण्याबद्दल आश्वस्त करत आहेत. प्रभागाचा विकास, न्याय, स्थानिक प्रश्न आणि मूलभूत सुविधा यावर लक्ष्य केंद्रित करून निवडणुकीत सामोरे जात आहे. अशाही त्या म्हणाल्या.नागरिकही त्यांच्यावर पूर्ण विश्वास दाखवत असून त्यांच्या प्रचाराच्या गृह भेटीने परीसरात चैतन्य निर्माण होऊन त्यांच्या कार्याचे कौतुकही होत आहे. प्रभागासह शहरातही सर्व परीचित असलेल्या सौं. माधुरी करकाडे यांचे उत्स्फूर्त स्वागत करण्यात येत असून त्यांच्या उमेदवारीमुळे आनंदाचे वातावरण दिसून येत आहे. आपल्याच घरची लेक शहराच्या विकासासाठी सज्ज झाली असून माझ्या नावासमोरील कमळ ही बटण दाबून मतरूपी आशीर्वाद देऊन सेवेची संधी द्यावी, असेही त्यांनी आवाहन केले.