▪️माहेरच्याअंगणी वार्षिक स्नेहमिलन सोहळा : वंदना विनोद बरडे सामाजिक कार्यकर्त्या

राज जांभुळकर : मुख्य कार्यकारी संपादक

नागपूर – ( इंडिया 24 न्युज ) : बुधवार दि ३१ डिसेंबर २०२५ रोजी सायंकाळी ४ वाजता श्री राधेय फूड सेन्टर, हुडकेश्वर रोड नागपूर येथे, माहेरच्या अंगणी महिला किटी समुह, हुडकेश्वर रोड नागपूर यांचे वार्षिक स्नेहसंमेलन सोहळा उत्साहात पार पडला.
समारंभाचे अध्यक्षस्थान सौ. रेखा ताई दाढे तर प्रमुख पाहुणे म्हणून सौ. शालिनी बारई या उपस्थित होत्या. स्नेहमिलन कार्यक्रमास माहेरच्या अंगणी किटी गृप च्या संस्थापिका सौ. सुवर्णा अशोक लोडे, उपाध्यक्ष सौ. कविता पावडे, कार्याध्यक्ष अनामिका गिरमकर तसेच शालिनी जीवतोडे, माधूरी अंबारे,मंगला बेरड, भावना माथणकर, वंदना बरडे, सारीका गमे, श्र्वेता राघोर्ते, मिनाक्षी आमने, पुष्पा झाडे, वैशाली राऊत, सारीका कासलवार, भाविका राघोर्ते, वैशाली गौरकर, प्रिया कापसे, रसिका ठेंगणे, अर्चना बागडे, उज्वला उमरे, संगिता खंदाडे, यमुताई मोहीतकर, रेखा हेडाऊ, छाया रणदिवे, अनिता वांदिले, अनिता तितरमारे, सुशीला खुळसंगे, अर्चना शिंदे, सुप्रिया धानोरकर, अंजली शिर्के, ज्योती निमजे सोनाली उमरे इतर सदस्यगण उपस्थित होते.
कार्यक्रमाची सुरुवात ही पुष्पगुच्छ देत शुभस्वागतम गीत गाण्याने करण्यात आली. उपस्थित मान्यवरांच्या हस्ते दिपप्रज्वलन करण्यात आले. त्यानंतर सर्व सभासदांनी मिळून एकसूरात मानवतेची महती सांगणारे माणसाने माणसाशी माणसासम वागणे हे गित गायले.
तद्नंतर, माहेरच्या अंगणी गृपची स्थापनेचा उद्देश व सुरुवातीची वाटचाल सौ. सुवर्णा लोडे यांनी प्रास्ताविक मधून मांडला. यानंतर सर्व जुण्या व नव्याने जुळलेल्या सभासदांचा परिचय व स्मृतीचिन्ह वितरीत करण्यात आले. प्रत्येकीला मिळालेल्या अनपेक्षितपणे स्पेशल फील चे कौतुक जोरदार टाळ्या ंच्या गजरात करण्यात आले.
नविन वर्षातील कीटी नियमांचे वाचन करीत, सर्वांना क्रिएटिव्हिटी सह आपल्या कला गुणांना या माहेरच्या अंगणी व्यासपीठावर पैलू कसे पाडता येईल याविषयीचे मार्गदर्शन करण्यात आले.
येणाऱ्या नवीन वर्षाच्या स्वागत Happy new year 2026, केक कटींग करीत , शुभेच्छांसह करण्यात आले. सर्व सभासदांनी आपल्या माहेरच्या अंगणी गृप विषयीचा आपला अनुभव, सहयोग व सहभाग त्यांच्या शब्दात नोंदविला. कार्यक्रमात सर्वांची उपस्थिती किती महत्वाची व एकजूटीची आहे. हे सुचवित सुत्रसंचलन अनामिका गिरमकर यानी व पारितोषिक प्राप्त सभासदांची यादी वाचन सौ. कविता पावडे, शालिनी जीवतोडे यांनी केले तर भावना माथणकर व वंदना बरडे यांनी सर्वांचे आभार मानले.
तीन तास रंगल्या कार्यक्रमाची सांगता नविन वर्षाच्या मासिक स्नेहभेटीच्या पक्क्या निश्चयाने करण्यात आली. अशाप्रकारे माहेरच्या अंगणी वार्षिक स्नेहमिलन सोहळा उत्साहमय वातावरणात आनंदाने फार पडला.