🩸माजी न. प. सभापती प्रशांत समर्थ यांच्या वाढदिवसानिमित्त मूल मध्ये भव्य रक्तदान शिबीर संपन्न

▪️१२२ रक्तदात्यांनी रक्तदान करून साजरा केला वाढदिवस..

Chief EditorAugust 11, 2025

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मूल – ( इंडिया २४ न्यूज ) : मूल न. प. चे माजी बांधकाम सभापती श्री. प्रशांत समर्थ यांच्या वाढदिवसानिमित्त आयोजित भव्य रक्तदान शिबिराला नागरिकांचा व त्यांच्या चाहत्यांचा उत्स्फूर्त प्रतिसाद मिळाला. मूल येथील दरार मंडळ व मित्र परिवार यांच्या संयुक्त विद्यमाने हे रक्तदान शिबीर घेण्यात आले.
सदर रक्तदान शिबिराचे विधिवत उदघाटन माजी खासदार मा. हंसराजजी अहिर यांच्या उपस्थितीत झाले. सकाळपासूनच रक्तदात्यांची लक्षणीय उपस्थिती होती. १२२रक्तदात्यांनी समाजसेवेची जाणीव ठेऊन मौल्यवान रक्त दान करून समाजात आदर्श घालून दिला. गडचिरोली रक्त केंद्र, गडचिरोली येथील डॉ. नितीन टिपले सर यांचे मार्गदर्शनातआरोग्य अधिकारी व कर्मचारी यांनी प्रत्येक रक्तदात्यांची तपासणी करून रक्त संकलनाची प्रक्रिया पूर्ण केली.
रक्तदानानंतर सर्व रक्तदात्यांना प्रमाणपत्र आणि अल्पोपहार देण्यात आला. या उपक्रमाबद्दल दरार मंडळ व मित्र परिवार मूल तसेच सर्व रक्त दात्यांचे विशेष कौतुक करण्यात आले. वाढदिवसानिमित्त घेण्यात आलेल्या रक्तदान शिबिराच्या उपक्रमाचे सर्वत्र कौतुक होत आहे.