◾ट्रकच्या धडकेत आईसह चिमुकलीचा मृत्यू.. ◾मौदा येथील रबडीवाला टी -पॉईंट येथील घटना..

♦️निखिल ब.श्रावणकर
♦️मौदा ता.प्रतिनिधी
♦️मो.नं. 9923231481

मौदा :-(इंडिया 24 न्युज ):भंडारा -नागपूर राष्ट्रीय महामार्ग सहावरील मौदा येथील रबडीवाला टी-पॉईंट वर गुरुवार दि. 1 डिसेंबर ला दुपारी 2 वाजताच्या सुमारास ट्रकने दुचाकीला धडक दिली. यात पत्नीसह तिच्या तीन महिन्याच्या चिमुकलीचा जागीच मृत्यू झाला.

सविस्तर वृत्त असे कि, कुही तालुक्यातील चिकना डोंगर मौदा येथील दुचाकीस्वार राजहंस किसन वाघमारे (वय 28), पत्नी प्रांजल राजहंस वाघमारे ( वय 22), तीन महिन्यांची चिमुकली व आई अंजना किसन वाघमारे ( वय 45) हे एम.एच.40 /सी.ई. 2926 क्रमांकाच्या दुचाकीने चिकना डोंगर मौदा येथून मौदा येथील परमात्मा एक आश्रम येथे येत होते. रबडीवाला टी -पॉईंट वरून रस्ता ओलांडतांना भंडाराकडून येणाऱ्या ट्रकने धडक देताच प्रांजल राजहंस वाघमारे सह तिच्या चिमुकलीचा जागीच मृत्यू झाला. तर राजहंस व त्यांची आई अंजना वाघमारे जखमी आहेत.
घटनेची माहिती मिळताच मौदा पोलीस स्टेशन येथिल वरिष्ठ पोलीस निरीक्षक हेमंतकुमार खराबे यांच्यासह पोलीस घटनास्थळी दाखल होऊन त्यांनी चिमुकलीचा मृतदेह स्वतः उचलून दोन्ही मृतकाचे शव मेयो हॉस्पिटल मध्ये शवविछेदना करिता पाठवले. तर ट्रक चालकाला पोलिसांनी अटक करून गुन्हा दाखल केला. वरिष्ठ पोलीस निरीक्षक हेमंतकुमार खराबे यांचा मार्गदर्शनाखाली उपपोलीस निरीक्षक जगदीश बिरोले अधिक तपास करीत आहेत.