राज जांभूळकर – मुख्य कार्यकारी संपादक
“जीवन गाणे”..!!
घेउनिया सपनांची लाली
हृदयीं माझ्या कशास आली,
तुला फसवले त्या भाग्याने
जीवनात ह्या आली खुशाली !
नाते अपुले आले जुळूनी
आता सावरू दोघे मिळूनी
परिस्थितीने जरी ग्रासले,
बघु न आता मागे सरूनी
ठेव भरोसा तुझ्या अंतरी,
झुलू सुखाच्या कधि अंबरी
सांग सखे ग शब्दा वाचूनी ?
सौख्य येई का तुझ्याच दारी ?
अनाथापरी जीवन माझे
मम दुःखाचे तुलाच ओझे,
घडू नये ते घडून गेले!
फुलते ग आयुष्यही तुझे !
खुशित गाऊ जीवन गाणे !
सुख दुःख तर जाणे येणे,
साथ तुझी ही मला लाभली
जगू सदाही अभिमानाने !
श्री. न. डोंगरे अमरावती
मो. न. ७८७५९९०५००
