अनाधिकृत बांधकाम विरुद्ध तक्रार दाखल केल्याबद्दल भूखंड धारकाने दिव्यांग तक्रारदार श्री. सुनील साबळे यांना धमकावले तुर्भे पोलीस स्टेशनमध्ये अदकलपात्र गुन्हा नोंद….
सुबोध सावंत -मुंबई विभागीय प्रतिनिधी
तुर्भे (इंडिया 24 न्यूज )महाराष्ट्र औद्योगिक विकास
महामंडळ महापे नवी मुंबई हे औद्योगिक शहर म्हणून नावारूपास आले आहे.बेलापूर ते दिघा आशिया खंडातील सर्वात मोठे औद्योगिक क्षेत्र असल्यामुळे कंपन्यांमध्ये मोठ्या प्रमाणात कामगार वर्ग कामासाठी नवी मुंबईमध्ये येत असतात महाराष्ट्र औद्योगिक विकास महामंडळ महापे नवी मुंबई औद्योगिक पट्ट्यामध्ये छोटे मोठे कारखाने कंपन्या बसवल्या आहेत.त्याचबरोबर महाराष्ट्र औद्योगिक विकास महामंडळाने परवानगी दिलेल्या भूखंड धारकांना देण्यात आलेले भूखंड प्रमाणापेक्षा वाढीव बांधकाम,अतिक्रमण व मॉर्निंग स्पेसचा गैरवापर चालू केला आहे.सदर केलेल्या अतिक्रमण व बांधकाम करून ती जागा भाड्याने देण्यात आली आहे व त्या जागेचे भाडेही घेण्यात येत आहे.एक दक्ष नागरिक म्हणून अनाधिकृत बांधकाम विषयी महाराष्ट्र औद्योगिक विकास महामंडळ ,उपअभियंता -1 महापे यांना रितसर तक्रार देऊन त्यांना कळविण्यात आले आहे. PAP D-2 भूखंड धारका विरुद्ध अनाधिकृत बांधकाम विषयी तक्रार देण्यात आली आहे.तक्रारीच्या अनुषंगाने महाराष्ट्र औद्योगिक विकास महामंडळ अतिक्रमण विभागामार्फत अनाधिकृत बांधकामाचे सर्वे करून संबंधित PAP D-2 भूखंड धारक डॉ.बाबासाहेब आंबेडकर नगर तुर्भे नाका,नवी मुंबई.या भूखंड धारकास MRTP ACT 1966 नुसार नोटीस न देता साधी नोटी देण्यात आली आहे.नोटीस देताना एमआयडीसी अधिकारी यांनी तक्रारदाराचे नोटीस मध्ये नाव नमूद केले आहे.त्यामुळे तक्रारदाराच्या जिवास धोका निर्माण झाला आहे.दिनांक 21 /04/2023 वेळे सकाळी 11.17 मि. रोजी भूखंड धारक व चालक-मालक यांनी आमच्या भूखंडा विषयी एमआयडीसी मध्ये अनाधिकृत बांधकामाविषयी तक्रार का केलीस म्हणून तक्रारदार सुनील महादेव साबळे (दिव्यांग) यांना धमकावण्यात आले. तत्काळ तक्रारदार सुनील महादेव साबळे यांनी तुर्भे स्थानिक पोलीस स्टेशन मधे जाऊन रीतसर PAP D-2 भूखंड धारक चालक-मालक यांच्या विरुद्ध पोलीस स्टेशन मध्ये अनाधिकृत बांधकामाची तक्रार दिली म्हणून धमकावण्यात आल्यामुळे तक्रार दाखल केली.तक्रारदार हे दिव्यांग असून व जागरूक नागरिक असून त्यांच्या जीवास व त्यांच्या परिवारास धोका निर्माण झाला आहे स्थानिक पोलीस स्टेशन महाराष्ट्र औद्योगिक विकास महामंडळ उपअभियंता -1 भूखंड धारक हे सर्व जबाबदार राहतील संबंधित प्रकरणांमध्ये जे कोणी अधिकारी व भूखंड धारक चालक-मालक असतील त्यांच्यावर कायदेशीर गुन्हा दाखल करण्यात यावा अशी मागणी तक्रारदार केली.