🔸गौरीपूर येथे ४७ व्या वर्षात ‘फुटबॉल स्पर्धा २०२६’चा दिमाखदार शुभारंभ..

गडचिरोली जिल्हा ब्युरो चीफ : उज्वल देवनाथ

गडचिरोली – ( इंडिया 24 न्युज ) : गौरीपूर येथील जय दुर्गा स्पोर्ट अँड कल्चरल असोसिएशनच्या वतीने गेल्या ४७ वर्षांपासून अखंडपणे सुरू असलेल्या फुटबॉल क्रीडा परंपरेचा वारसा पुढे नेत ‘फुटबॉल स्पर्धा २०२६’चे आयोजन करण्यात आले होते. या स्पर्धेचा दिमाखदार शुभारंभ आज शुक्रवार, दि. २८ ऑगस्ट रोजी जय दुर्गा स्टेडियम, चामोर्शी-घोट रोड, बसस्टँड, गौरीपूर येथे झाला.
स्पर्धेचे उद्घाटन माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांच्या हस्ते करण्यात आले. यावेळी त्यांनी स्वतः फुटबॉलला किक मारून गोल करत स्पर्धेचा शुभारंभ केला.

क्रीडा क्षेत्रातील या प्रदीर्घ परंपरेबद्दल जय दुर्गा स्पोर्ट अँड कल्चरल असोसिएशनचे अभिनंदन करून त्यांनी स्पर्धेत सहभागी झालेल्या सर्व खेळाडूंशी हस्तांदोलन करत त्यांना शुभेच्छा दिल्या.

यावेळी उपस्थितांना मार्गदर्शन करताना डॉ. अशोकजी नेते म्हणाले की, “गौरीपूर येथे दरवर्षी आयोजित होणाऱ्या फुटबॉल स्पर्धेला माझी नेहमी सातत्याने उपस्थिती राहिली आहे. गेल्या ४७ वर्षांपासून ही क्रीडा परंपरा अखंडपणे सुरू असून, ही निश्चितच अभिमानाची आणि आनंदाची बाब आहे. खेळामुळे शरीर तंदुरुस्त राहते, आत्मविश्वास वाढतो आणि संघभावना विकसित होते. त्यामुळे विद्यार्थ्यांनी व युवकांनी शिक्षणासोबतच खेळालाही महत्त्व दिले पाहिजे.”
ते पुढे म्हणाले की, क्रीडा क्षेत्रातून शिस्त, नेतृत्वगुण, परस्पर सहकार्य आणि राष्ट्रभावना निर्माण होते. ग्रामीण भागातील खेळाडूंना अशा स्पर्धांमधून आपले कौशल्य दाखविण्याची मोठी संधी मिळते. युवकांनी खेळाकडे केवळ मनोरंजन म्हणून न पाहता त्यातून आपल्या व्यक्तिमत्त्वाचा आणि भवितव्याचा विकास साधावा, असे आवाहन त्यांनी केले.

या स्पर्धेत प्रथम क्रमांकासाठी माजी खासदार डॉ. अशोकजी नेते यांचे कडुन ५५,००१ रुपये, द्वितीय क्रमांकासाठी आमदार डॉ. मिलिंदजी नरोटे यांचे कडून ३५,००१ रुपये आणि तृतीय क्रमांकासाठी डॉ
प्रणयजी खुणे यांचे कडुन १५,००१ रुपये अशी आकर्षक पारितोषिके ठेवण्यात आली आहेत. तसेच विविध वैयक्तिक व सांघिक उत्कृष्ट कामगिरी करणाऱ्या खेळाडूंनाही विशेष पुरस्कार देण्यात येणार आहेत.

या उद्घाटन कार्यक्रमास आमदार डॉ. मिलिंदजी नरोटे, भाजपा आदिवासी मोर्चा प्रदेशाध्यक्ष तथा माजी आमदार डॉ. देवरावजी होळी, भाजपा किसान मोर्चा प्रदेश सचिव रमेशजी भुरसे, भाजपा जिल्हा उपाध्यक्ष तथा मानवाधिकार संघटनेचे प्रदेशाध्यक्ष डॉ. प्रणयजी खुणे, भाजपा तालुका अध्यक्ष रोशनी वरघंटे, भाजपा ओबीसी मोर्चा जिल्हाध्यक्ष भास्करजी बुरे, भाजपा बंगाली मोर्चा जिल्हाध्यक्ष सुरेशजी शहा, भाजपा जिल्हा सचिव दिलीपजी चलाख, भाजपा महिला मोर्चा जिल्हा उपाध्यक्ष अनिताताई रॉय, युवा नेते भाविकजी आभारे, माजी पंचायत समिती सदस्य तथा तालुका महामंत्री विष्णुजी ढाली, ज्येष्ठ नेते मनोहरजी बामणकर, माजी सरपंच अशीमजी मुखर्जी, उपसरपंच महानंदजी हलदार, तरुणजी गाईन, रितेश पालरपवार, पलाशजी रॉय, मंडळ कमिटीचे कर्णधारजी बाकची, भाजपा शाखाध्यक्ष गौरीपूर सुजितजी मंडल, अंकुशजी बराई, देवाशीषजी मंडल, किशोरजी मुखर्जी, विकासजी सरकार, सुमितजी सरकार यांच्यासह भाजपा पदाधिकारी, लोकप्रतिनिधी, आयोजक, ग्रामस्थ आणि मोठ्या संख्येने खेळाडू उपस्थित होते.

४७ वर्षांची क्रीडा परंपरा जपत युवकांना क्रीडाक्षेत्राची नवी दिशा देणाऱ्या जय दुर्गा स्पोर्ट अँड कल्चरल असोसिएशनच्या या उपक्रमाचे उपस्थितांनी विशेष कौतुक केले. ग्रामीण भागातील खेळाडूंना व्यासपीठ उपलब्ध करून देणाऱ्या या स्पर्धेमुळे परिसरात क्रीडामय वातावरण निर्माण झाले आहे.

कार्यक्रमाच्या समारोपावेळी राष्ट्रगीताने वातावरण भारावून गेले. राष्ट्रगीताच्या माध्यमातून उपस्थित खेळाडू व युवकांच्या मनात राष्ट्रप्रेम आणि राष्ट्रभावना जागृत करण्याचा संदेश देत कार्यक्रमाची सांगता करण्यात आली.