🔸विदर्भाची काशी ‘मार्कंडा देवस्थान’ येथे वैनगंगेच्या तीरावर भव्य महागंगा पूजा व महाआरती सोहळा संपन्न..

गडचिरोली जिल्हा ब्युरो चीफ : उज्वल देवनाथ

​गडचिरोली / चामोर्शी- ( इंडिया 24 न्युज ) : दि. ०७ सप्टेंबर २०२६:
​उत्तरवाहिनी वैनगंगा नदीच्या पवित्र तीरावर वसलेले आणि ‘विदर्भाची काशी’ म्हणून सर्वदूर परिचित श्रद्धास्थान लाभलेल्या चामोर्शी तालुक्यातील प्राचीन व ऐतिहासिक मार्कंडेश्वर देवस्थान येथे श्रावण मासातील अंतिम सोमवारी भक्तिमय आणि मंगलमय वातावरणात ‘महागंगा पूजा व महाआरती’ सोहळा अभूतपूर्व उत्साहात संपन्न झाला.

​महाराष्ट्राचे मुख्यमंत्री तथा गडचिरोली जिल्ह्याचे पालकमंत्री मा. श्री. देवेंद्रजी फडणवीस यांच्या संकल्पनेतून आणि माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांच्या विशेष पुढाकाराने या अभिनव धार्मिक उपक्रमाचे आयोजन करण्यात आले होते.

*​मंत्रोच्चार आणि शंखनादाने परिसर न्हाऊन निघाला*
कार्यक्रमाच्या सुरुवातीला माजी खासदार डॉ. अशोकजी नेते यांनी परिवारासह मार्कंडेश्वर मंदिराच्या गाभाऱ्यात जाऊन मार्कंडेश्वर ऋषी देवाची विधिवत पूजा अर्चा व आरती करून दर्शन घेतले.

त्यानंतर सायंकाळी ५:३० वाजता उत्तरवाहिनी वैनगंगा नदीच्या पवित्र तीरावर पुरोहितांच्या मंत्रोच्चारात, ‘ॐ नमः शिवाय’ व महामृत्युंजय मंत्राच्या पठणाने वातावरणात आध्यात्मिक ऊर्जा निर्माण झाली.
​शंखनाद, डमरूचा निनाद आणि ‘हर हर महादेव’च्या गजरात नदीच्या पात्रासमोर दीपप्रज्वलन करून विधिवत गंगापूजन व महाआरती पार पडली. शेकडो दिव्यांच्या प्रकाशाने आणि महाआरतीने वैनगंगेचा पावन तीर उजळून निघाला होता.

*​माजी खासदार डॉ. अशोकजी नेते यांचे मनोगत*
या पावनप्रसंगी मनोगत व्यक्त करताना माजी खासदार डॉ. अशोकजी नेते म्हणाले, “आज मार्कंडेश्वर ऋषींचे विधिवत दर्शन व पूजा-अर्चा करण्याचे भाग्य मला लाभले. वैनगंगेच्या पावन तीरावर अशा प्रकारे भव्य गंगा महापूजा पार पडत असल्याचा मला मनापासून अत्यंत आनंद होत आहे. राज्याचे यशस्वी मुख्यमंत्री तथा जिल्ह्याचे पालकमंत्री मा. श्री. देवेंद्रजी फडणवीस यांच्या संकल्पनेतून हा ऐतिहासिक आणि दिव्य सोहळा साकार होत आहे; त्याबद्दल मी त्यांचे मनापासून आभार मानतो आणि त्यांना विशेष धन्यवाद देतो. या धार्मिक उपक्रमामुळे आपल्या भागाचे आध्यात्मिक वैभव आणखी समृद्ध झाले आहे.”

या ऐतिहासिक महागंगा पूजा-आरती सोहळ्यास प्रामुख्याने विदर्भ संघटन मंत्री डॉ. उपेंद्रजी कोठेकर,गडचिरोलीचे आमदार डॉ. मिलिंद जी नरोटे, भाजपा जिल्हाध्यक्ष रमेश बारसागडे, आदिवासी मोर्चा प्रदेशाध्यक्ष तथा माजी आमदार डॉ. देवरावजी होळी,किसान मोर्चा प्रदेश सचिव रमेशजी भुरसे,जेष्ठ नेते डॉ. भारत खटी, भाजपा तालुका अध्यक्षा रोशनी वरघंटे,ओबीसी मोर्चा जिल्हा अध्यक्ष भास्कर बुरे,बंगाली आघाडी चे जिल्हा अध्यक्ष सुरेश शहा,मार्कंडेश्वर समिती चे अध्यक्ष गजानन भांडेकर, संजय बारापात्रे, दिलीप चलाख,साईनाथ बुरांडे, रेवनाथ कुसराम,नरेश अल्सावार, केशव निंबोड, शेषराव कोहळे, विशाल माडवे तसेच मुरलीधर महाराज,अन्य महाराज व परिसरातील साधू-संत आणि भाजपाचे पदाधिकारी-कार्यकर्ते मोठ्या संख्येने उपस्थित होते.

​आध्यात्मिक वैभवात मानाचा तुरा
श्रावणाच्या या पावन पर्वावर वैनगंगेच्या तीरावर पार पडलेल्याए या महागंगा आरतीमुळे मार्कंडा देवस्थानच्या धार्मिक आणि सांस्कृतिक वैभवात आणखी एक मानाचा अध्याय जोडला गेला आहे. या उपक्रमामुळे मंदिराचे धार्मिक महत्त्व अधिक अधोरेखित झाले असून वैनगंगा नदीच्या पात्राला नव्या आध्यात्मिक परंपरेची जोड मिळाली आहे. आरतीच्या सांगतेनंतर उपस्थित शिवभक्तांना महाप्रसादाचे वाटप करण्यात आले.