आपला जिल्हा ताज्या घडामोडी देश विदेश महाराष्ट्र

🔸आमदार किशोर जोरगेवार सपत्नीक पालखी सोहळ्यात सहभागी; एकविरा माता मंदिरातून निघालेल्या पालखीने श्री माता महाकाली महोत्सवाचा शुभारंभ..

🔸राजमाता निवासस्थान, जैन मंदिर मार्गे पालखी रथ माता महाकाली मंदिरात दाखल..

Chief EditorOctober 31, 2026

संपादिका सौ. शिल्पाताई बनपुरकर

चंद्रपूर : चंद्रपूरचे आराध्य दैवत असलेल्या श्री माता महाकालीच्या महोत्सवाला आज गुरुवारी (१५ ऑक्टोबर) सकाळी भक्तिमय वातावरणात सुरुवात झाली. एकोरी वार्डातील एकविरा माता मंदिर येथून निघालेल्या श्री माता महाकालीच्या पालखीने महोत्सवाचा शुभारंभ झाला. आमदार किशोर जोरगेवार यांनी सपत्नीक या पालखी सोहळ्यात सहभागी होत माता महाकालीच्या चरणी नतमस्तक होऊन दर्शन घेतले. श्रद्धा, भक्तिभाव आणि चंद्रपूरच्या धार्मिक परंपरेशी असलेले नाते जपत आमदार जोरगेवार यांनी या सोहळ्यात सहभाग नोंदविला.
एकोरी वार्डातील एकविरा माता मंदिर येथून निघालेली माता महाकालीची पालखी शहरातील विविध मार्गांवरून मार्गक्रमण करत आमदार किशोर जोरगेवार यांच्या राजमाता निवासस्थानी पोहोचली. त्यानंतर जैन मंदिर मार्गे पालखी रथ माता महाकाली मंदिरात दाखल झाला. यावेळी आमदार किशोर जोरगेवार यांनी सपत्नीक पालखी सोहळ्यात सहभागी होत मातेचे दर्शन घेतले. त्यांच्या सहभागामुळे या धार्मिक सोहळ्याला विशेष महत्त्व प्राप्त झाले.
श्री माता महाकाली महोत्सव हा चंद्रपूरकरांच्या श्रद्धेचा आणि धार्मिक परंपरेचा महत्त्वपूर्ण भाग आहे. दरवर्षी या महोत्सवाच्या निमित्ताने माता महाकालीच्या दर्शनासाठी भाविकांची मोठी गर्दी होते. पालखी सोहळ्याच्या माध्यमातून शहरातील धार्मिक परंपरा, भक्तिभाव आणि सांस्कृतिक वारसा जपला जातो. या परंपरेचे जतन आणि संवर्धन करण्याच्या भावनेतून आमदार किशोर जोरगेवार यांचा सपत्नीक सहभाग महत्त्वपूर्ण ठरला.
माता महाकालीच्या जयघोषाने आणि भक्तिमय वातावरणाने पालखी मार्गावर उत्साह निर्माण झाला. पालखी रथ मंदिरात दाखल झाल्यानंतर भाविकांनी माता महाकालीच्या चरणी नतमस्तक होत दर्शन घेतले. या पालखी सोहळ्याने श्री माता महाकाली महोत्सवातील धार्मिक कार्यक्रमांना प्रारंभ झाला असून, चंद्रपूर शहरात भक्तिभावाचे आणि धार्मिक उत्साहाचे वातावरण निर्माण झाले आहे.