आपला जिल्हा ताज्या घडामोडी देश विदेश महाराष्ट्र

🔸शिव मंदिर जिमलगट्टा येथे नवरात्रोत्सव उत्साहात..

🔸शिव दुर्गा मंडळाचा १९ वा नवरात्रोत्सव विविध धार्मिक व सांस्कृतिक कार्यक्रमांनी साजरा..

Chief EditorOctober 31, 2026

गडचिरोली जिल्हा ब्युरो चीफ : उज्वल देवनाथ

जिमलगट्टा : येथील शिव मंदिरात शिव दुर्गा मंडळ जिमलगट्टा यांच्या वतीने १९ वा नवरात्रोत्सव मोठ्या उत्साहात साजरा करण्यात येत आहे. या उत्सवानिमित्त विविध धार्मिक व सांस्कृतिक कार्यक्रमांचे आयोजन करण्यात आले आहे.

नवरात्रोत्सवाच्या निमित्ताने १७ ऑक्टोबर रोजी गरबा नृत्य उत्सवाचे आयोजन करण्यात आले. यावेळी रंगीबेरंगी पारंपरिक पोशाख परिधान करून महिला व मुलींनी गरबा नृत्यात उत्स्फूर्त सहभाग घेतला. संपूर्ण परिसर भक्तिमय आणि उत्साहपूर्ण वातावरणाने भारावून गेला होता.

तसेच, १८ ऑक्टोबर रोजी बतकम्मा उत्सव मोठ्या उत्साहात साजरा करण्यात आला. या उत्सवात गावातील सर्व महिला मंडळांनी सहभाग घेतला. पारंपरिक पद्धतीने साजऱ्या करण्यात आलेल्या या उत्सवामुळे गावातील महिला वर्गात आनंदाचे वातावरण निर्माण झाले.

शिव दुर्गा मंडळ जिमलगट्टा यंदा १९ वा नवरात्रोत्सव साजरा करीत असून, मंडळाच्या वतीने दरवर्षी विविध धार्मिक आणि सांस्कृतिक कार्यक्रमांचे आयोजन केले जाते. या उत्सवाच्या माध्यमातून गावातील महिला, मुली आणि नागरिकांमध्ये एकोपा, सामाजिक सलोखा व सांस्कृतिक परंपरांचे जतन करण्याचा संदेश दिला जात आहे.

नवरात्रोत्सवातील विविध कार्यक्रमांमुळे जिमलगट्टा परिसरात भक्तिमय वातावरण निर्माण झाले असून, नागरिकांकडून उत्सवाला उत्स्फूर्त प्रतिसाद मिळत आहे.