🔸श्री संत वासुदेव महाराज पायदळ वारी पालखीचे पंढरपूर नगरीत भव्य दिव्य स्वागत..!

संपादक – सौ. शिल्पा बनपुरकर

अकोला- ( इंडिया 24 न्यूज ) : वारकरी संप्रदायाचे सद्गुरु विदर्भ माऊली श्रीसंत वासुदेव महाराज यांचा पालखीचे पांडुरंगाच्या चरणी पंढरपूर मध्ये वेगवेगळ्या परिसरात चौका चौकात या पालखीचे भव्य दिव्य स्वागत करण्यात आले. अनेक ठिकाणी रांगोळी काढून, फटाके फोडून, हरी नामाचा जप करीत, भजन, कीर्तन ,प्रवचन पावली, भारुड, भक्ती गीतांनी, हरिनामाच्या गजराने पांडुरंगाची नगरी भक्ती भावांनी दुम दुमुन गेली होती . श्रद्धा सागर अकोट येथून निघालेली श्री संत वासुदेव महाराज यांच्या पालखीचे येथे भक्ती भावाने धुमधडाक्यात राज वैभवात स्वागत करण्यात आले . वासुदेव महाराजांच्या भक्तांनी राजेशाही थाटात भव्य स्वागत केले. सर्वप्रथम चंद्रभागेच्या तिरी ज्या ठिकाणी श्री संत वासुदेव महाराज यांचा अंत्यविधी करण्यात आला होता. त्या ठिकाणी संपूर्ण पालखी जाऊन सर्व भक्तांनी चंद्रभागेमध्ये स्नान केल्यानंतर त्या ठिकाणी आरती करून महाराजांना आदरांजली व्यक्त केली.विदर्भातील एकमेव अशी ही पालखी आहे या पालखीमध्ये सहभागी सर्व वारकऱ्यांचा विमा काढलेला आहे. स्त्री पुरुष लहान मोठे जात धर्म पंथ कोणताही भेदभाव न ठेवता सर्वांना या पालखीमध्ये प्रवेश दिला आहे. 250 स्त्री पुरुष लहान मुले ज्येष्ठ नागरिक सह दिव्यांगां वारकऱ्यांचा सहभाग या पायदल वारीमध्ये आहे. 650 किलोमीटरचे अंतर या वारकऱ्यांनी पैदल चालून पार केले . 26 दिवसांचा प्रवास 26 मुक्काम , 52 वेळाचे जेवण ,नाश्ताची व्यवस्था लोकसभागातून महाराजांच्या भक्तांनी केली होती. या कार्यासाठी संपर्कप्रमुख महाराजांचे भक्त विलास गीते यांचे मोलाचे सहकार्य लाभले होते. संपूर्ण पालखी प्रवासात वारकऱ्यांना शुद्ध आरोचे पाणी पुरवठा महाराजांचे भक्त विश्वस्त अनिल कोरपे यांच्या सहकार्यातून करण्यात आला होता.महाराजांचे दोन शाही रथ, वारकऱ्यांचे सामान ठेवण्याकरता दोन ट्रक, वारकऱ्यांच्या तब्येतीची काळजी घेण्याकरता ॲम्बुलन्स डॉक्टर व औषधासह वारकऱ्यांसोबत वारीत महाराजांचे भक्त नंदकिशोर पाटील यांच्या सहकार्याने मोफत सेवा दीली . पाण्याचा टँकर संस्थेचे उपाध्यक्ष माधवराव ठाकरे यांच्या सहकार्याने संपूर्ण वारीमध्ये भक्तांच्या सेवेत सेवाभाव वृत्तीने कार्यरत होता. तसेच एक पायलट गाडी वारकऱ्यांच्या सेवेत कार्यरत होती.अनेक नामवंत गायक, वादक, कीर्तनकार ,प्रवचनकार या वारीमध्ये आपली सेवा दिली श्रीसंत वासुदेव महाराज ज्ञानपीठ संस्थेचे अध्यक्ष ह भ प वासुदेवराव महल्ले पाटील उपाध्यक्ष माधवराव ठाकरे, व्यवस्थापक ह भ प अंबादास मानकर व विश्वस्त मंडळी गजानन दुधाळ, अनिल कोरपे, श्रीराम कोरडे, बाळकृष्ण वाकोडे, नागोराव बायस्कर यानी पालखीत स्वतः उपस्थित राहुन पायी वारी केली असून भक्तगणांच्या प्रत्येक अडचणी सोडवण्यासाठी सतत प्रयत्न केले. या वारीचे वैशिष्ट्य असे की या वारीमध्ये दोन्ही पायाने अपंग असलेले जिल्हा परिषद नगर खडकी येथील दिव्यांग वारकरी रवी बोचे हे आपल्या दिव्यांग गाडीने वारीमध्ये प्रवास करून साडेसहाशे किलोमीटरचा प्रवास पूर्ण केला. पंढरपूर येथील श्री संत वासुदेव महाराजांचा मठ लाइटिंग करून पूर्णपणे सजविला होता. अशा अनेक वैशिष्ट्यांनी परिपूर्ण असलेल्या श्रद्धासागर ते पंढरपूर वारीचे विठुरायाच्या नागरी मध्ये सर्व भक्त गणांनी वेगवेगळ्या परिसरामध्ये भव्य दिव्य असे स्वागत केले.
पालखीसोहळा स्वागत कार्यक्रमाला भाविक भक्तांनी मोठ्या संख्येने सहभागी होऊन प्रचंड गर्दी केली होती. श्रीसंत वासुदेव महाराज भक्तपरिवार तथा स्वागत समितीच्या वतीने पंढरपूर नगरीमध्ये राज वैभवा मध्ये वासुदेव महाराज भक्तगणांनी या पालखीचे मोठ्या प्रमाणात भव्य दिव्य असे उत्साहात आनंदात स्वागत केले.
श्री संत वासुदेव महाराज पुण्यतिथी महोत्सवाला प्रारंभ. दिनांक 14 जुलै पासून श्री संत वासुदेव महाराज पुण्यतिथी महोत्सवाला सुरुवात झाली असून यानिमित्त सात दिवस विविध धार्मिक कार्यक्रमाचे आयोजन करण्यात आले आहे त्यामध्ये काकडा, ज्ञानेश्वरी पारायण, अभिषेक,प्रवचन, हरिपाठ, महाआरती, दीपोत्सव विविध सुप्रसिद्ध अशा कीर्तनकारांचे हरीकिर्तन आयोजित केली आहे .व रोज सकाळ संध्याकाळ भाविक भक्तांसाठी महाप्रसादाचे आयोजन या सात दिवस महोत्सवानिमित्त करण्यात आले आहे.तसेच दिनांक 17 ला श्री संत वासुदेव महाराज मठामध्ये महाराजांची भक्त वारकरी सौ लता चिकटे, चिकटे परिवाराच्या आर्थिक मदतीने सहभागतून उभारलेल्या लिफ्टचे लोकार्पण,उद्घाटनिय कार्यक्रम विविध साधुसंतांच्या उपस्थितीमध्ये पार पडणार आहे.व ही लिफ्ट भक्तांच्या सेवेत अर्पण केली जाणार आहे. दिनांक 21 जुलै रोजी काल्याचे किर्तन व महाप्रसाद्वारे श्री संत वासुदेव महाराज पुण्यतिथी महोत्सवाची सांगता होणार आहे.अशी माहिती या वारीमध्ये सहभागी असलेले वारकरी समाजसेवक गजानन हरणे यांनी प्रसिद्ध पत्रकाद्वारे कळविली आहे.