🔸महावितरणमध्ये “स्त्रीशक्तीचा गौरव” नवरात्रीत महिला कर्मचाऱ्यांच्या कार्याला सलाम..!

मुख्य संपादक श्री. तुळशीराम जांभुळकर

चंद्रपूर – ( इंडिया 24 न्युज ) : 29/09/2025 महावितरणमधील महिला कर्मचाऱ्यांकरिता नवरात्रमध्ये “सन्मान सौदामिनीचा” हा कार्यक्रम औसंवि/ब/३१०४६ दि. २५/०९/२०२५ या परिपत्रकानुसार चंद्रपूर परिमंडळ कार्यालयात साजरा करण्यात आला.
दिनांक २९/९/२०२५ रोजी चंद्रपुर परिमंडळाच्या वतीने सन्मान सौदामिनीचा हा कार्यक्रम मुख्य अभियंता श्री. हरीश गजबे यांच्या अध्यक्षतेखाली घेण्यात आला. या कार्यक्रमास श्रीमती संध्या चिवंडे अधीक्षक अभियंता चंद्रपुर मंडळ तसेच अधीक्षक अभियंता श्री. रमेश सानप (पा.आ.) चंद्रपुर परिमंडळ व कर्मचारी आणि अधिकारी उपस्थित होते. या कार्यक्रमात विभाग प्रमुखांच्या उपस्थितीत महिला शक्तीचा प्रातिनिधिक गौरव म्हणून एकुण ६७ कर्मचारी भगिनींचे पुस्तक व गुलाब पुष्प देऊन सत्कार करण्यात आला. यावेळी उपस्थित महिला प्रतिनिधींना महावितरणमध्ये सेवा देताना आलेले अनुभव कथन करण्याची संधी त्यांना मिळाली. या कार्यक्रमाची प्रस्तावना श्री. विशाल पिपरे उपमुख्य औदयोगिक संबंध अधिकारी चंद्रपूर परिमंडळ यांनी केली.