🔹धम्मकार्याला समर्पित व्यक्तिमत्त्वाचा शाल व स्मृतिचिन्ह देऊन गौरव..

राज जांभुळकर : मुख्य कार्यकारी संपादक

घुग्घुस – ( इंडिया 24 न्युज ) : येथे भारतीय बौद्ध महासभा शाखेच्या वतीने आज दिनांक ३१ मे २०२६ रोजी धम्मसेवक आयु. विजय रामटेके यांचा त्यांच्या राहत्या घरी शाल व सन्मानचिन्ह (शिल्ड) देऊन सन्मानपूर्वक सत्कार करण्यात आला.

विहार बांधकाम कार्यात मार्गदर्शन, सहकार्य व योगदान दिल्याबद्दल त्यांच्या कार्याचा गौरव करण्यात आला. बुद्ध, धम्म आणि संघ यांच्या प्रेरणेने समाजहितासाठी कार्य करणाऱ्या धम्मसेवकांचा सन्मान करणे ही समाजाची कृतज्ञता असल्याचे यावेळी मान्यवरांनी सांगितले.
या प्रसंगी भारतीय बौद्ध महासभा शाखा घुग्घुसचे माजी अध्यक्ष आयु. सुरेशभाऊ मल्हारी पाईकराव, माजी विहार बांधकाम कोषाध्यक्ष आयु. हेमंत आनंदराव पाझारे, कार्याध्यक्ष आयु. चंद्रगुप्त फकरु घागरगुंडे, सल्लागार आयु. बबन वाघमारे उपस्थित होते.
तसेच आयु. विजय रामटेके, आयुनी. किरणताई विजय रामटेके, आयु. साहिल विजय रामटेके, आयुनी. दिपाली विजय रामटेके व परिवारातील सदस्य यांची प्रमुख उपस्थिती होती.
यावेळी मान्यवरांच्या हस्ते आयु. विजय रामटेके यांना शाल व स्मृतिचिन्ह प्रदान करून त्यांचा गौरव करण्यात आला. उपस्थितांनी त्यांच्या धम्मनिष्ठ कार्याचे कौतुक करत पुढील धम्मकार्य व समाजसेवेसाठी मंगल शुभेच्छा दिल्या.
कार्यक्रम मैत्री, करुणा, प्रज्ञा आणि समता या तथागत भगवान बुद्धांच्या धम्ममूल्यांनी प्रेरित वातावरणात संपन्न झाला.
“विहार हे केवळ बांधकाम नसून धम्म, संस्कार आणि सामाजिक प्रबोधनाचे केंद्र आहे. त्या कार्यासाठी योगदान देणाऱ्या धम्मसेवकांचा सन्मान हा संपूर्ण समाजाचा सन्मान आहे,” अशी भावना यावेळी व्यक्त करण्यात आली.
जय भीम । नमो बुद्धाय ।