*🔸उज्वल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*
गडचिरोली – ( इंडिया 24 न्युज ) : पोलिसांची ‘सिनेमॅटिक’ कामगिरी: वेळेविरुद्धची शर्यत जिंकत अल्पवयीन मुलीला सीमेवरच गाठले दुपारची वेळ.विसापूर गावातील एका घरात अचानक शांतता भंग पावते. १४ वर्षांखालील एक अल्पवयीन मुलगी अचानक गायब होते. शोधाशोध सुरू होते. पण ती कुठेच नसते. पालकांच्या काळजाचा ठोका चुकला. प्रत्येक जाणारा क्षण त्यांच्या मुलीला धोक्याच्या दिशेने घेऊन जात होता. अखेर, हताश पालकांनी चामोर्शी पोलीस ठाण्याचे द्वार ठोठावले.आणि तिथून सुरू झाला एक ‘हाय व्होल्टेज ड्रामा’!
दुपारी ३:०० च्या सुमारास मुलगी गायब झाल्याची खबर पोलिसांना मिळाली. विषय गंभीर होता – एक अल्पवयीन मुलगी आणि बाहेरचे असुरक्षित जग. चामोर्शी पोलीस स्टेशनचे कर्तव्यदक्ष पोलीस निरीक्षक श्री. दीपक डोंब यांच्यासाठी ही केवळ एक मिसिंग तक्रार नव्हती,तर वेळेविरुद्धची एक थेट लढाई होती.ती जिल्हा ओलांडता कामा नये – ठाणेदार डोंब यांचे आदेश वायरलेस सेटवर घुमले. क्षणार्धात चामोर्शी पोलिसांची यंत्रणा ‘ऍक्शन मोड’मध्ये आली. एक रणनीती आखली गेली. चंद्रपूरकडे जाणारे सर्व रस्ते पोलिसांच्या रडारवर आले.
पोलिसांची एक टीम सुसाट वेगाने चंद्रपूर मार्गावर रवाना झाली. या थरारक मोहिमेचे शिलेदार होते – पोलीस शिपाई वरगंटीवार आणि महिला पोलीस शिपाई सारखा दुर्गम.त्यांच्या डोळ्यासमोर फक्त एकच लक्ष्य होते – त्या मुलीला सुरक्षित गाठणे.इकडे घड्याळाचे काटे वेगाने पुढे सरकत होते. तिकडे गडचिरोली-चंद्रपूर जिल्ह्याच्या सीमेवर असलेल्या ‘तळोदी’ येथे पोलिसांनी अभेद्य नाकाबंदी उभारली.जणू काही सीमेवर एक जाळेच टाकण्यात आले होते.प्रत्येक वाहनाची झाडाझडती सुरू झाली. वातावरणात तणाव होता.ती सापडेल का की उशीर झाला असेल तक्रार दाखल होऊन जेमतेम दीड तास उलटला होता.तळोधी नाक्यावर पोलिसांची तीक्ष्ण नजर एका संशयास्पद हालचालीवर पडली. वाहनांची तपासणी सुरू असतानाच.ती दिसली घाबरलेली गोंधळलेली ती अल्पवयीन मुलगी पोलिसांना मिळून आली.अवघ्या ९० मिनिटांच्या (दीड तास) या थरारक पाठलागानंतर, एक मोठा संभाव्य अनर्थ टळला होता.चामोर्शी पोलिसांनी वेळेला हरवून ऑपरेशन फत्ते केले होते.
मुलीला सुरक्षितपणे पोलीस ठाण्यात आणण्यात आले. समुपदेशनानंतर,सुखरूप अवस्थेत तिला तिच्या पालकांच्या स्वाधीन करण्यात आले.पालकांच्या डोळ्यातील आनंदाश्रू पोलिसांच्या या तत्पर कामगिरीची साक्ष देत होते.
सदरची ही ब्लॉकबस्टर कामगिरी पोलीस अधीक्षक आणि उपविभागीय पोलीस अधिकारी यांच्या मार्गदर्शनाखाली, चामोर्शीचे ठाणेदार श्री. दीपक डोंब यांच्या नेतृत्वात पोलीस शिपाई वरगंटीवार व महिला पोलीस शिपाई सारखा दुर्गम यांनी यशस्वीरित्या पार पाडली
