🔸दासबोध पारायणाची महाप्रसादाने सांगता मार्कंडेश्वराची पालखी परिक्रमा.. शेकडो भाविकांनी घेतले दर्शन..

*🔸उज्वल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*

चामोर्शी – ( इंडिया 24 न्युज ) : रामप्रसाद महाराज जायस्वाल मराठा धर्मशाळेच्या वतीने मार्कंडदेव येथे श्री मार्कंडेश्वर जयंती तथा दासबोध पारायण कार्यक्रमानिमित्त मार्कंडेश्वराची पालखी भजनाच्या गजरात, रामप्रसाद महाराज मराठा धर्मशाळा ते संपूर्ण गावातून काढण्यात आली या पालखीने मार्कंडा नगरी अक्षरशः भक्तिमय वातावरणाने दुमदुमून गेली याप्रसंगी भाविकांनी पालखीचे दर्शन घेतले.
या धर्मशाळा मार्कंडादेवच्या वतीने दरवर्षी प्रमाणे श्री मार्कंडेश्वर जयंती व दासबोध पारायणचे बुधवार ( दि. २१ ) ते शुक्रवार ( दि. २३ ) पर्यंत आयोजन करण्यात आले आहे
त्यानिमित्त बुधवारी सकाळी देवता पूजन व मातृका पूजन हरिहर कुंभारे पारडी यांच्या हस्ते करण्यात आली त्यानंतर घटस्थापना गोपाल महाराज रणदिवे यांच्या हस्ते तर दुपारी दासबोध प्रवचन व सायंकाळी भागवत प्रवचन व हरिपाठ जनार्दन महाराज जुनघरे यांच्या वाणीतून भाविक भक्तांना मंत्रमुग्ध केले गुरुवारी ( दि. २२ ) मार्कंडेश्वराची महापुजा मनोहर कत्रे व बंधू यांच्या हस्ते पार पडली
दुपारी भगवान मार्कंडेश्वराची महापुजा विधिवत पूजाअर्चा करण्यात आली त्यावेळी मार्कंडेश्वर देवस्थानचे अध्यक्ष गजानन भांडेकर, सचिव मृत्युंजय गायकवाड, सहसचिव रामुजी तिवाडे उपस्थित होते तीन दिवसीय जयंती कार्यक्रमात रामप्रसाद महाराज जायस्वाल मराठा धर्मशाळेचे व श्री मार्कंडेश्वर देवस्थानचे पदाधिकारी, भक्तभाविक मोठ्या संख्येने सहभागी झाले होते
या उपक्रमामुळे मार्कंडा येथे महाशिवरात्रि यात्रेच्या पर्वावर धार्मिक वातावरण निर्माण होण्यास प्रारंभ झाला आहे

मंदिराच्या कळसावर लावला टिपूर
२३ जानेवारी रोजी सकाळी ११ वाजता भगवान मार्कंडेश्वराची पालखी काढण्यात आली भजन, कीर्तन व दहीहांडी काला व सायंकाळी ६ वाजता टिपूर ( दिवा ) मंदिराच्या कळसावर लावण्यात आला कार्यक्रमाच्या शेवटी भाविकांना व गावकय्यांना महाप्रसादाचे वितरण करण्यात आले यावेळी धर्मशाळेचे अध्यक्ष गंगाधर कोंडुकवार, सचिव अशोक तिवारी, सहसचिव केशव आंबटवार, विश्वस्त मनोहर बोधलवार, गोपाळ महाराज रणदिवे, आबाजी धोडरे, किर्तनकार धारणे महाराज, जयराम चलाख यांच्यासह राजेश सुरावार, अनिल पाल, दामोधर सरपे, सूरज ठाकुर उपस्थित होते.