🩸सिरोंचा इथे स्वातंत्र्य दिनानिमित्त 44 दात्यांनी केले रक्तदान..

*🔸श्री. उज्वल कमल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*

सिरोंचा – ( इंडिया 24 न्युज ) : सिरोंचा इथे 79 व्या स्वातंत्र्य दीना निमित्त धर्मराव विद्यालय सिरोंचा सण 1998-99 मधील इ. 10 वी च्या आयोजित रक्तदान शिबिरामध्ये एकूण 44 रक्तदात्यांनी रक्तदान केले.
सिरोंचा इथे दरवर्षी स्वातंत्र्य दिनानिमित्त तसेच कधी कधी कुठलाही निमित्त नसताना पण जिल्हा रक्तपेढी मध्ये जेव्हा रक्ताची गरज भासेल तेव्हा भव्य रक्तदान शिबीर आयोजित केली जात असते. मागील जून महिन्यात सिरोंचा इथे तब्बल 165 रक्तदात्यांनी रक्तदान करून जिल्हा रक्तपेढीतील रक्ताचा तूटवडा कमी करण्याचा प्रयत्न करून गरजू रुग्णाना मोलाचे सहकार्य केले आहे.रक्तदान शिबिराचे आयोजन जिल्हा परिषद शाळेतील सभागृहात करण्यात आले होते.उद्घाटक म्हणून सिरोंचा चे तहसीलदार मा.निलेश होनमारे हे होते तर नरेंद्र मरस्कोल्हे, डॉ. नागेश साहू रक्त संक्रमण अधिकारी गडचिरोली उदघाट्न प्रसंगी उपस्थित होते.
रक्तदान शिबिराच्या यशस्वीतेसाठी रक्तवीर संघटना सिरोंचा तसेच शिवजन्मोत्सव समिती सिरोंचा चे सदस्य, ग्रामीण रुग्णालय सिरोंचा येथील कर्मचारी व जिल्हा परिषद शाळेतील कर्मचाऱ्यांनी सहकार्य केले तर जिल्हा स्वयं रक्तदाता समिती चे चारुदत्त राऊत, निशिकांत नैताम व दिलखुश बोदलकर यांनी रक्तदान शिबिर आयोजित करण्यासाठी रक्तदात्यांना प्रेरित केले व शिबिराला भेट देणाऱ्या नवयुवकांना मार्गदर्शन केले.