आपला जिल्हा ताज्या घडामोडी देश विदेश महाराष्ट्र

🔶 लोनवाही- कच्चेपार मार्गावरील वाघाचा बंदोबस्त करा; सिंदेवाहीतील आक्रमक माकडामुळे नागरीकामध्ये भिती

Chief EditorJuly 16, 2026

धनराज सरपाते- सिंदेवाही तालुका प्रतिनिधी

सिंदेवाही : (इंडिया २४ न्युज )
सिंदेवाही तालुक्यातील लोनवाही कच्चेपार मार्ग परिसरात वाघाच्या वाढत्या वावरांमुळे पशुधनाचे मोठ्या प्रमाणात नुकसान होत असून शेतकरी व पशुपालकामध्ये भीतीचे वातावरण निर्माण झाले आहे तर दुसरीकडे शिंदेवाडी शहरातील आंबेडकर चौक परिसरात आक्रमक माकडाच्या हल्ल्यामुळे नागरिकांच्या सुरक्षिततेचा प्रश्न गंभीर बनला आहे या दोन्ही घटनाकडे वनविभागाने तातडीने लक्ष देऊन आवश्यक उपाययोजना कराव्यात, अशी मागणी राष्ट्रवादी पक्षाने केली आहे.

तालुकाध्यक्ष दामोधर माधवराव नन्नावार यांनी वनपरिक्षेत्र अधिकारी सिंदेवाही यांना दिलेल्या निवेदनात म्हटले आहे की, ९ जुलै रोजी शुभम विलास रामटेके (वय२६ वर्षे ) यांच्यावर माकडाने हल्ला करून त्यांना जखमी केले. त्यानंतर १३ जुलै रोजी जिजाबाई नागरे यांच्यावरही हल्ला करून त्यांच्या मांडीवर गंभीर दुखापत केली. सलग घटना घडलेल्या या घटनामुळे लहान मुले, महिला आणि ज्येष्ठ नागरिकांमध्ये भीतीचे वातावरण पसरले आहे.

याशिवाय लोनवाही – कच्चेपार मार्ग परिसरात वाघाच्या वाढत्या हालचालीमुळे पशुधनाचे नुकसान होत असल्याने वनविभागाने गस्त वाढवून वाघाच्या हालचालीवर सतत लक्ष ठेवावे. तसेच सिंदेवाही शहरातील आक्रमक माकडाचा तात्काळ बंदोबस्त करून नागरिकांच्या जीविताचे रक्षण करावे, अशी मागणी निवेदनाद्वारे करण्यात आली.

यावेळी चंद्रभूषण जयस्वाल प्रकाश बन्सोड, राजू वानखेडे, नागराज मेश्राम, ज्ञानेश्वर हांडेकर, आसिफ शेख, विजय जांभुळे, स्वप्नील कारमेंगे, सलीम पठाण, सुमित नागदेवते, जगदीश मेश्राम, मनोज गरमळे, अजय लोणबले यांच्यासह राष्ट्रवादी काँग्रेस पक्षाचे पदाधिकारी व कार्यकर्ते उपस्थित होते.