🔸मुख्याध्यापकांवर FBO परवान्याची जबाबदारी लादण्याच्या निर्णयाविरोधात शिक्षक सेनेचे शांततापूर्ण आंदोलन..

मुख्य संपादक श्री. तुळशीराम जांभुळकर

चंद्रपूर – ( इंडिया 24 न्युज ) : ०१ सप्टेंबर २०२६ मध्यान्ह भोजन / शालेय पोषण आहार योजनेअंतर्गत शाळेतील मुख्याध्यापकांना Food Business Operator (FBO) म्हणून नोंदणी करून परवाना घेण्याच्या निर्णयाचा महाराष्ट्र राज्य शिक्षक सेनेतर्फे निषेध करण्यात येत आहे.

मुख्याध्यापकांवर आधीच शैक्षणिक, प्रशासकीय तसेच विद्यार्थ्यांच्या सर्वांगीण विकासाची महत्त्वपूर्ण जबाबदारी असताना, त्यांच्यावर अन्न व्यवसायाशी संबंधित अतिरिक्त कायदेशीर व तांत्रिक जबाबदारी सोपविणे योग्य नाही. या निर्णयामुळे मुख्याध्यापकांच्या मूळ शैक्षणिक कार्यावर अतिरिक्त ताण निर्माण होण्याची शक्यता आहे.

या निर्णयाचा पुनर्विचार करून शासनाने सदर निर्णय तात्काळ मागे घ्यावा, तसेच मध्यान्ह भोजनाच्या अन्नाची गुणवत्ता, सुरक्षितता, नोंदणी व परवान्याची जबाबदारी संबंधित भोजन पुरवठा करणाऱ्या संस्था/यंत्रणेकडे सोपवावी, अशी मागणी महाराष्ट्र राज्य शिक्षक सेनेतर्फे करण्यात येणार आहे.

याच मागणीसाठी महाराष्ट्र राज्य शिक्षक सेना व शिवसेना (उद्धव बाळासाहेब ठाकरे) पक्षाचे सदस्य, काही मुख्याध्यापक, शिक्षक व संबंधित पदाधिकारी यांच्या उपस्थितीत शांततापूर्ण निदर्शन आयोजित करण्यात आले आहे.

कार्यक्रमाची माहिती
दिनांक : बुधवार, ०२ सप्टेंबर २०२६
वेळ : दुपारी ३.०० ते सायंकाळी ५.०० स्थळ : जिल्हा परिषद परिसर, चंद्रपूर

यावेळी अंदाजे १५ ते २० जण उपस्थित राहणार असून, निदर्शनानंतर मा. मुख्य कार्यकारी अधिकारी, जिल्हा परिषद, चंद्रपूर यांना सदर निर्णय मागे घेण्याबाबत निवेदन सादर करण्यात येणार आहे.