🔸परिवार जोडो अभियान दुभंगलेल्या कुटुंबांना जोडतोय..

*🔸सौ. शिल्पा बंनपुरकर*
*🔸संपादक*
*🔸मो नं.7030292628*

चंद्रपूर – ( इंडिया 24 न्युज ) :भारतीय समाज हा पाश्चात्य संस्कृतीचे अंधानुकरण करण्यात मश्गूल झालेला आहे आणि त्याची परिणीती म्हणजे कुटुंबात दरी निर्माण होत आहे. मागील काही दिवसांमध्ये अनेक परिवारांमध्ये कौटुंबिक कलह सुरू झाला आहे सासू- सून पती-पत्नी यांच्या भांडणामुळे कुटुंब अक्षरशा तुटत आहे यामुळे या कुटुंबाचे समुपदेशन करून दुभंगलेल्या कुटुंबीयांना जोडण्याचे काम भारतीय परिवार बचाव संघटनेने परिवार जोडो संपर्क अभियान सुरू केलेला आहे. पती-पत्नी एकमेकापासून दुरावलेल्या हजारो कुटुंबीयांना समुपदेशन करून एकत्र आणले जात आहे. भारतीय परिवार बचाव संघटनेचे जिल्हाध्यक्ष डॉ. नंदकिशोर मैंदळकर, मोहन जीवतोडे, वसंत भलमे, प्रदीप गोविंदवार, नरेंद्र पोलादे, संतोष वेखंडे, ॲड नाईक,उमेश देशट्टीवार, ॲड सारिका सिंदूरकर ॲड नितीन घाटकीने, सचिन बरटकर, नितीन चांदेकर, बाबाराव नैताम, श्रीराम पान्हेरकर, मोहब्बत खान, डॉ राहुल विधाते, अमोल कांबळे आदि हा उपक्रम मागील काही वर्षापासून जिल्ह्यात राबवीत आहे. संयुक्त कुटुंबाचा काळ अगदी आनंदात गेला आता पत्नीच्या अति हट्टमुळे विभक्त कुटुंब पद्धती आली आहे. यात कौटुंबिकवाद पराकोटीला जात आहे. अशा कुटुंबावर वडीलधाऱ्यांचा धाक राहिला नाही, सासू-सासरे घरात नको फोटो पुरते असावेत असा पत्नीचा आग्रह. पाश्चात्त्य संस्कृतीचे अनुकरण करून बरीच कुटुंबे विनाशाकडे जाताना दिसतेय पुरुषांच्या मातापित्यांना आत्महत्या वा वृद्धाश्रमात राहण्याची वेळ येत आहे. पत्नीला तिचे आई-वडील आवडतात पण सासू-सासरे नकोत हा कुठला न्याय ? पती-पत्नीमध्ये गैरसमज निर्माण होण्यासाठी मोबाईल मुख्य भूमिका वटवतात तसेच मुलींच्या संसारात तिच्या आई-वडिलांचा हस्तक्षेप वाढल्यामुळे अनेक कुटुंबात दरी निर्माण झालेली आहे. नॅशनल क्राइम रेकॉर्ड ब्युरो (NCRB) नुसार दरवर्षी एक लाख 70 हजार पुरुषांची आत्महत्या होत आहे. त्यामुळे पुरुषांचा विवाह संस्थेवरून विश्वास उडाला आहे. पुरुषांना हुंडाबळीचा धाक दाखवून घटस्फोटा करिता अवाढव्य पैशाची मागणी करून ब्लॅकमेल करणे सुरू झालेले आहे. पुरुषांनो सावधान व्हा. लाजू नका आपली तक्रार नोंदवा. कुटुंबाचं नुकसान होऊ नये या करिता पती-पत्नी, सासर- माहेर यांच्यात कसा समन्वय घडवून आणता येईल दोन्ही पक्षाचे समुपदेशन करून परिवारात स्नेह आनंद निर्माण व्हावा याकरीता भारतीय परिवार बचाव संघटना चंद्रपूर कडून परिवार जोडो संपर्क अभियान राबविण्यात येत आहे.