🔸फय्याज अहमद यांची महाराष्ट्र राज्य शिक्षक सेनेच्या चंद्रपूर जिल्हा (खाजगी माध्यमिक) अध्यक्षपदी निवड..

राज जांभुळकर : मुख्य कार्यकारी संपादक

चंद्रपूर – ( इंडिया 24 न्युज ) :
पैरामाउंट कॉन्व्हेंटचे मुख्याध्यापक (प्राचार्य) श्री. फय्याज अहमद यांची ‘महाराष्ट्र राज्य शिक्षक सेना’ अंतर्गत चंद्रपूर जिल्हा खाजगी माध्यमिक शाखेच्या जिल्हा अध्यक्षपदी निवड करण्यात आली आहे.
हिंदुहृदयसम्राट शिवसेनाप्रमुख आदरणीय बाळासाहेब ठाकरे यांच्या आशीर्वादाने आणि शिवसेना पक्षप्रमुख माननीय उद्धवजी ठाकरे यांच्या आदेशानुसार ही नियुक्ती करण्यात आली आहे. संघटनेच्या कार्याला अधिक गती देण्याच्या उद्देशाने महाराष्ट्र राज्य शिक्षक सेनेचे अध्यक्ष ज. मो. अभ्यंकर यांनी फय्याज अहमद यांच्या निवडीचे अधिकृत पत्र जारी केले आहे.
शिक्षकांच्या समस्या सोडवणे, खाजगी माध्यमिक शाळांमधील शिक्षकांच्या हक्कांचे रक्षण करणे आणि संघटनात्मक बांधणी मजबूत करणे यावर आपला मुख्य भर असेल, असा विश्वास फय्याज अहमद यांनी व्यक्त केला.
त्यांच्या या निवडीबद्दल शैक्षणिक, सामाजिक आणि राजकीय वर्तुळातून त्यांच्यावर अभिनंदनाचा वर्षाव होत असून, सर्व स्तरांतून त्यांना भावी वाटचालीसाठी शुभेच्छा दिल्या जात आहेत.