🔸तुमडी येथे श्रद्धा गणेश मंडळाचा ५ दिवसीय सार्वजनिक गणेशोत्सव थाटात संपन्न*

गडचिरोली जिल्हा ब्युरो चीफ – उज्वल देवनाथ

चामोर्शी/ घोट – ( इंडिया 24 न्युज ) : तुमडी (जि. गडचिरोली) : तुमडी येथील श्रद्धा गणेश मंडळ सार्वजनिक गणेश उत्सव समितीच्या वतीने यावर्षी ५ दिवसीय गणेश पूजेचे भव्य आयोजन करण्यात आले होते. पाच दिवस गावात भक्तिमय वातावरण होते.

दररोज सकाळ-संध्याकाळ आरती, भजन, कीर्तन आणि विविध सांस्कृतिक कार्यक्रम घेण्यात आले. लहान मुले आणि युवकांसाठी विशेष कार्यक्रम ठेवण्यात आले होते, त्याला गावकऱ्यांचा चांगला प्रतिसाद मिळाला.

गुरुवारी महाप्रसाद वितरणाचा कार्यक्रम झाला. तुमडी, बापूरा आणि परिसरातील शेकडो भाविकांनी महाप्रसादाचा लाभ घेतला.

शुक्रवारी ढोल-ताशांच्या गजरात आणि ‘गणपती बाप्पा मोरया’च्या जयघोषात मिरवणूक काढून बाप्पाचे विसर्जन करण्यात आले.

हा उत्सव यशस्वी करण्यासाठी मंडळाचे अध्यक्ष राकेश पत्थर, गणेश विकास आणि तुमडी व बापूरा गावातील सर्व नागरिक, महिला मंडळ आणि युवकांनी परिश्रम घेतले. महिलांनी मोठ्या संख्येने सहभाग नोंदवून उत्सवाचा आनंद घेतला.