🔸माजी खासदार डॉ. अशोकजी नेते यांच्या गडचिरोली येथील निवासस्थानी..

गडचिरोली जिल्हा ब्युरो चीफ : उज्वल देवनाथ

गडचिरोली – ( इंडिया 24 न्युज ) : देशाचे लोकप्रिय लाडके पंतप्रधान नरेंद्रजी मोदी यांच्या बहुचर्चित आणि लोकभावनेशी जोडलेल्या ‘मन की बात’ (Episode 138) या कार्यक्रमाचा १३८ वा भाग रविवारी, दिनांक २७ सप्टेंबर २०२६ रोजी माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी आपल्या गडचिरोली येथील निवासस्थानी अत्यंत उत्साहात पाहिला व ऐकला.

गडचिरोली शहरातील शाहूनगर परिसरातील बूथ क्रमांक १०१ अंतर्गत डॉ. अशोकजी नेते यांच्या निवासस्थानी दूरदर्शनच्या थेट प्रक्षेपणाद्वारे या विशेष भागाचे प्रसारण आयोजित करण्यात आले होते. देशाच्या कानाकोपऱ्यातील नवकल्पना, सामाजिक उपक्रम, लोकसहभाग आणि राष्ट्रविकासाच्या संकल्पांना उजाळा देणाऱ्या पंतप्रधान मोदींच्या संवादशैलीचा आस्वाद यावेळी उपस्थित सर्व उपस्थितांनी घेतला.
या प्रसंगी भाजपचे स्थानिक पदाधिकारी, कार्यकर्ते व नागरिक उपस्थित होते. पंतप्रधान नरेंद्रजी मोदी यांच्या प्रेरणादायी विचारांनी जनमानसात देशभक्ती व सामाजिक कर्तव्याची नवी चेतना निर्माण होत असल्याची भावना यावेळी डॉ. अशोकजी नेते यांनी व्यक्त केली.