▪️तुमनूरला आरोग्याचा नवा श्वास : आमदार डॉ. धर्मरावबाबा आत्राम यांच्या हस्ते प्राथमिक आरोग्य उपकेंद्राचे भूमिपूजन..
*🔸श्री. उज्वल कमल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*
सिरोंचा – ( इंडिया 24 न्युज ) : ग्रामीण भागातील नागरिकांच्या आरोग्य सेवांसाठी ऐतिहासिक पाऊल उचलत, सिरोंचा तालुक्यातील तुमनूर येथे प्राथमिक आरोग्य उपकेंद्र बांधकामाचे भूमिपूजन आज आमदार व माजी केबिनेट मंत्री डॉ. धर्मरावबाबा आत्राम यांच्या हस्ते संपन्न झाले. आरोग्य सुविधा गावाच्या दारात आणण्याच्या या उपक्रमामुळे दुर्गम भागातील नागरिकांना लांबचा प्रवास टाळून त्वरित उपचार मिळणार आहेत.
सिरोंचा तालुक्याच्या मुख्यालयापासून अवघ्या दहा किलोमीटर अंतरावर असलेल्या तुमनूर गावात हा सोहळा सकाळी ९ वाजता उत्साहात पार पडला, कार्यक्रमस्थळी गावकऱ्यांचा मोठा जमाव उसळला होता. आरोग्य उपकेंद्रामुळे भविष्यात लहान-मोठ्या आजारांचे प्राथमिक उपचार, लसीकरण, गर्भवती माता व बालकांची आरोग्य तपासणी यांसारख्या सेवा स्थानिक पातळीवर उपलब्ध होतील, याची खात्री ग्रामस्थांनी व्यक्त केली.
या भूमिपूजन सोहळ्यास तुमनूर ग्रामपंचायत सरपंच पदमा राजन्ना सिडाम, उपसरपंच बबीता किरण वेमुला, राष्ट्रवादी काँग्रेस तालुकाध्यक्ष मधुकर कोल्लूरी, नगरसेवक सतिश राचर्लावार, नगरसेवक जगदीश रालबंडीवार, कार्यकारी अध्यक्ष मदनया मादेशी, शहर अध्यक्ष रवि सुलतान, पत्रकार व सोशल मीडिया प्रमुख नागभूषणम चकिनारपुवार, सामाजिक कार्यकर्ते ओमप्रकाश ताटीकोंडावार, रामकिष्ट रामया निलम (जिल्हा उपाध्यक्ष), वेंकटेश दुर्गम, रमेश पोटयाला, माजी उपसरपंच किरण वेमुला, सामाजिक कार्यकर्त राजू ताटी, नागेश गुरूसिंगला, अभियंता वाय. आर. मसे तसेच ग्रामस्थ व मोठ्या संख्येने कार्यकर्ते उपस्थित होते.
आपल्या मनोगतात आमदार आत्राम यांनी सांगितले, तुमनूरसह तालुक्यातील दुर्गम गावांमध्ये आरोग्य सुविधा पोहोचविणे हे माझ्या प्राधान्यक्रमात आहे. आज या भूमिपूजनाने तुमनूरला आरोग्याचा नवा श्वास मिळाला आहे. बांधकाम लवकर पूर्ण करून नागरिकांच्या सेवेसाठी हे उपकेंद्र कार्यरत होईल.
कार्यक्रमाचे सुत्रसंचालन सामाजिक कार्यकर्ते नागभूषणम चकिनारपुवार यांनी केले, तर उपस्थित मान्यवरांनी गावातील आरोग्य उन्नतीसाठी एकत्रितपणे कार्य करण्याचे आश्वासन दिले. भूमिपूजनानंतर गावात आनंदोत्सवाचे वातावरण पसरले.
