🔸विद्यार्थ्यांना शिक्षण, युवकांना मार्गदर्शन व जेष्ठ नागरिकांना सन्मान हीच यशस्वी समाजाची गुरुकिल्ली : डॉ. मंगेश गुलवाडे

राज जांभुळकर : मुख्य कार्यकारी संपादक

चंद्रपूर – इंडिया 24 न्यूज ) : दि. 13 ऑग. 2025 राजमाता पुण्यश्लोक अहिल्यादेवी होळकर यांच्या २३० व्या पुण्यतिथी कार्यक्रमाचे आयोजन चैतन्य ज्येष्ठ नागरिक सभागृह, महेश नगर, चंद्रपूर येथे भावुक वातावरणात पार पडले.

या कार्यक्रमाच्या अध्यक्षस्थानी डॉ. मंगेश मधुकर गुलवाडे होते.
आपल्या अध्यक्षीय भाषणात त्यांनी यशस्वी समाजनिर्मितीसाठी विद्यार्थ्यांना शिक्षण, युवकांना मार्गदर्शन आणि ज्येष्ठ नागरिकांचा सत्कार ही त्रीसूत्रीच समाजाच्या प्रगतीची खरी गुरुकिल्ली असल्याचे प्रतिपादन केले. प्रमुख वक्त्या म्हणून मान. प्रा. सौ. योगिनी देगमवार यांनी पुण्यश्लोक अहिल्यादेवी होळकर यांच्या जीवनचरित्रावर प्रभावी प्रकाश टाकला व उपस्थितांना मंत्रमुग्ध केले.
प्रमुख अतिथी म्हणून
मान. प्राचार्या शोभा रेड्डी व मान.प्राचार्य अमित लवणकर, अपर्णा चिडे,वामनराव मंदे, सुनील पोराटे, ज्योती दरेकर, कैलास उराडे, पूजा शेरकी, प्रवीण गिलबिले, मयूर भोकरे, आशिक घोरुडे यांची विशेष उपस्थिती होती.

कार्यक्रमात चालू वर्षात शासकीय सेवेतून निवृत्त झालेल्या बंधू-भगिनींचा सन्मानपूर्वक सत्कार करण्यात आला. तसेच समाजबांधवांसाठी शुगर व बीपी निःशुल्क तपासणी शिबिराचे आयोजन करण्यात आले, ज्याचा लाभ मोठ्या संख्येने उपस्थितांनी घेतला.

हा कार्यक्रम राजमाता पुण्यश्लोक अहिल्यादेवी होळकर महिला मंडळ, चंद्रपूर व धनगर समाज सेवा मंडळ जिल्हा चंद्रपूर (रजि. नं. 45/2023) यांच्या संयुक्त विद्यमाने पार पडला.कार्यक्रमाचे प्रास्ताविक सौ.अपर्णा चिडे
संचालन सौ. मंगला कॉलर यांनी केले तर आभार प्रदर्शन
इंजि.गणपतराव येवले यांनी केले.
या कार्यक्रमाच्या यशस्वीतेसाठी
रंजू मोडक,ज्योती भोकरे, वर्षा चिडे,संगीता पोतले व महिला चमुने मोलाचे परिश्रम घेतले. समाज बांधवांच्या उत्स्फूर्त सहभागामुळे कार्यक्रमाला मोठे यश प्राप्त झाले.