आपला जिल्हा ताज्या घडामोडी देश विदेश महाराष्ट्र

🔸महिला सक्षमीकरणासाठी भाजपा सरकार सदैव कटिबद्ध : आमदार देवराव भोंगळे

🔸राजुरा शहरातील रमाबाई वार्डातील अनेक महिला कार्यकर्त्यांचा भाजपात पक्षप्रवेश..

Chief EditorNovember 9, 2025

राज जांभुळकर : मुख्य कार्यकारी संपादक

राजुरा – ( इंडिया 24 न्युज ) : महिला सक्षमीकरणासाठी भाजपा सदैव कटिबद्ध आहे. महिलांचा विकास म्हणजेच समाजाचा विकास होतो.घरातील प्रत्येक महिलांना स्वावलंबी, सक्षम आणि सशक्त करणे हेच आमचे प्रमुख ध्येय असून त्यासाठी भाजपाने स्पष्ट कार्ययोजना आखली आहे, असे प्रतिपादन आमदार देवराव भोंगळे यांनी केले.

राजुरा शहरातील रमाबाई वार्डातील येथील अनेक महिला कार्यकर्त्यांनी आमदार देवराव भोंगळे यांच्या नेतृत्वावर विश्वास ठेवून भाजपा जनसंपर्क कार्यालयात आज (दि.९) ला जाहीर पक्षप्रवेश केला. यावेळी आमदार भोंगळे बोलत होते.

यावेळी पुढे बोलताना आमदार भोंगळे म्हणाले, “भाजपा सरकारने महिलांसाठी मुख्यमंत्री माझी लाडकी बहीण योजना, स्वयंसहाय्य गटांची आर्थिक प्रगती, उद्योजकतेसाठी भांडवल, घरकुल, आरोग्य, शिक्षण अशा विविध क्षेत्रात महिलांना बळ देण्यासाठी आम्ही सातत्याने प्रयत्न करीत आहोत.”असा विश्वास आमदार देवराव भोंगळे यांनी व्यक्त केला.

यावेळी भाजपात पक्षप्रवेश केलेल्या नवप्रवेशित कार्यकर्त्यांमध्ये रिता कश्यप, आशा रामटेके, सुनिता नगराळे, पुष्पा गोडसेलवार,शालू टेकाम, विठाबाई बत्ताशंकर, मंजुषा बत्ताशंकर, राजेश्वरी गोगुलवार, ज्योत्स्ना दुबे, कांताबाई चौधरी,पूजा चांदेकर, शिला गेडाम ,संगीता नगराळे, ममता गोरंतवार, सुषमा गेडाम, संगीता वाघमारे,श्रुती रामटेके, वंदना रोहणे, दुर्गा ढोले यांचा समावेश आहे.

या पक्षप्रवेशामुळे राजुरा शहरात भाजपाचे महिला संघटन आणखी मजबूत झाले असून, आगामी स्थानिक नगर परिषद निवडणुकीत याचा स्पष्ट परिणाम दिसून येईल, असा विश्वास यावेळी व्यक्त करण्यात आला.

याप्रसंगी भाजपा महिला मोर्चाचे राजुरा शहर अध्यक्षा माया धोटे, भाजयुमोचे शहराध्यक्ष प्रफुल घोटेकर, शहर उपाध्यक्ष महेंद्र बुरटकर, बाबा बेग, श्रीकृष्ण गोरे, राजकुमार डाखरे, उमेश गोरे, सुधाकर लांडे, रविंद्र आत्राम यांचेसह भाजपा कार्यकर्ते मोठ्या संख्येने उपस्थित होते.