आपला जिल्हा ताज्या घडामोडी देश विदेश महाराष्ट्र

🔸विहिरगांव येथील काँग्रेस कार्यकर्त्यांचा भाजपात जाहीर पक्षप्रवेश..

🔸आमदार देवराव भोंगळे यांच्या नेतृत्वात भाजपा पुन्हा बळकट..

Chief EditorNovember 11, 2025

114

राज जांभुळकर : मुख्य कार्यकारी संपादक

राजुरा – ( इंडिया 24 न्युज ) : समाजातील सर्व घटकांचा विकास साधण्याच्या उद्देशाने आणि जनतेच्या अपेक्षा पूर्ण करणाऱ्या भाजपा सरकारच्या कार्यप्रणालीवर विश्वास ठेवून विहिरगांव येथील काँग्रेस कार्यकर्त्यांनी आज (दि.११) ला राजुरा येथील भाजपा जनसंपर्क कार्यालयात भारतीय जनता पक्षात जाहीर पक्षप्रवेश केला.

राजुरा तालुक्यातील विहिरगांव येथील काँग्रेसचे ज्येष्ठ कार्यकर्ते कवडू भसारकर यांनी आमदार देवराव भोंगळे यांचे नेतृत्वात भाजपात जाहीर पक्षप्रवेश केला. याप्रसंगी कार्यकर्त्यांनी भाजपाच्या विचारधारेवर विश्वास व्यक्त करत पक्षाच्या विकास आणि जनकल्याणाच्या वाटचालीत सहभागी होण्याचे आवाहन यावेळी आमदार देवराव भोंगळे यांनी केले.

आमदार भोंगळे यांनी नवागत कार्यकर्त्यांचे मन:पूर्वक स्वागत करीत सांगितले की, “भाजप सरकार सर्वसामान्यांच्या हितासाठी कटिबद्ध आहे. प्रत्येक गावाचा सर्वांगीण विकास आणि नागरिकांच्या मूलभूत गरजा पूर्ण करणे हेच आमचे ध्येय आहे.”असे आमदार भोंगळे यांनी सांगितले.

याप्रसंगी राजुरा ग्रामीण महामंत्री सचिन बल्की,गंगाधर बोढे यांचेसह भाजपा कार्यकर्ते मोठ्या संख्येने उपस्थित होते.