🔸भगवान बिरसा मुंडा यांच्या 150 व्या जयंतीनिमित्त “जनजाती गौरव दिन” उत्साहात साजरा..

राज जांभुळकर : मुख्य कार्यकारी संपादक

भद्रावती – ( इंडिया 24 न्युज ) : आदिवासी मुलींचे शासकीय वसतिगृह, भद्रावती येथे आदिवासी विकास विभाग, महाराष्ट्र शासन व नाशिक येथील आदिवासी विकास आयुक्तालय यांच्या मार्फत संचालित एकात्मिक आदिवासी विकास प्रकल्प, चिमूर अंतर्गत भगवान बिरसा मुंडा यांच्या 150 व्या जयंतीनिमित्त “जनजाती गौरव दिन” उत्साहात साजरा करण्यात आला.
या उपक्रमांतर्गत आयोजित कार्यक्रमाला मार्गदर्शक प्रमुख पाहुणे ह. भ. प. सौ सुवर्णा ताई पिंपळकर यांनी उपस्थितांना प्रेरणादायी भाषणातून बिरसा मुंडा यांच्या कार्य, बलिदान व जनजाती समाजासाठीच्या योगदानाची सांगड घालत मुलींना संस्कार, शिक्षण व आत्मविश्वासाचे महत्त्व पटवून दिले.अक्षरशः सर्व विद्यार्थीनीच्या डोळ्यात पाणी आणले.
कार्यक्रमाला श्री प्रकाश पिंपळकर यांची विशेष उपस्थिती लाभली यांनी सुंदर गायन करून सर्व विद्यार्थिनीना मंत्रमुगध केले आणि सोबतच योगा शिक्षिका पूजा देऊळकर यांची सुद्धा उपस्थिती लाभली. पूजा देऊळकर यांनी विद्यार्थिनींना योगाचे महत्त्व, मानसिक स्वास्थ्य,शारीरिक तंदुरुस्ती  बद्दल मार्गदर्शन केले व व स्वतः ची आत्मकथा अनुभवली
कार्यक्रमाचे अध्यक्षस्थानी गृहपाल सौ विद्या ताई काळे मॅडम उपस्थित राहून मुलींच्या सर्वांगीण विकासासाठी वसतिगृहात राबविल्या जाणाऱ्या विविध उपक्रमांचे कौतुक केले.
“जनजाती गौरव दिन” निमित्त 18 सप्टेंबर 2025 ते 15 नोव्हेंबर 2025 या कालावधीत विविध सांस्कृतिक, शैक्षणिक व जनजागृती उपक्रमांचे आयोजन करण्यात आले असून विद्यार्थिनींनी उत्स्फूर्त सहभाग नोंदविला.
सूत्रसंचालन सानिका शेरकुरे  व आभार प्रदर्शन मयुरी जिवतोडे या विद्यार्थिनीनी केले