🔸चित्तरंजनपूर येथे शेकडो कार्यकर्त्यांचा शिवसेना शिंदे गटात जाहीर प्रवेश..

*🔸उज्वल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*

चामोर्शी – ( इंडिया 24 न्युज ) : तालुक्यातील चित्तरंजनपूर येथे दिनांक २४ डिसेंबर रोजी शिवसेना शिंदे गटाचा भव्य पक्षप्रवेश सोहळा पार पडला. या कार्यक्रमात शेकडो महिला व पुरुष कार्यकर्त्यांनी शिवसेना शिंदे गटात जाहीर प्रवेश करून पक्षाची ताकद वाढवली.

या पक्षप्रवेशाचे नेतृत्व दीपक मिस्त्री, तपन मंडल, बिंदूभूषण मंडल व समिर बाला यांनी केले. त्यांच्या मार्गदर्शनाखाली परिसरातील विविध गावांतील कार्यकर्त्यांनी एकत्र येत शिवसेना शिंदे गटावर विश्वास व्यक्त केला.

स्व. हिंदुहृदयसम्राट बाळासाहेब ठाकरे व स्व. आनंद दिघे यांच्या विचारांनी प्रेरित होऊन तसेच शिवसेना मुख्य नेते व महाराष्ट्राचे मुख्यमंत्री एकनाथ शिंदे यांच्या सक्षम, लोकाभिमुख व विकासाभिमुख नेतृत्वावर विश्वास ठेवत त्यांच्या मार्गदर्शनाखाली शिवसेना जिल्हाप्रमुख राकेश बेलसरे यांच्या नेतृत्त्वात कार्यकर्त्यांनी शिवसेनेत प्रवेश केला.

या कार्यक्रमास बंगाली आघाडी जिल्हाप्रमुख आसिद मिस्त्री, बंगाली आघाडी महिला जिल्हाप्रमुख सपना मंडल यांची प्रमुख उपस्थिती होती. यावेळी नव्याने प्रवेश केलेल्या कार्यकर्त्यांचे शिवसेनेच्या वतीने स्वागत करण्यात आले. पक्ष संघटना अधिक मजबूत करण्यासाठी सर्वांनी एकजुटीने काम करण्याचे आवाहन उपस्थित पदाधिकाऱ्यांनी केले.

चित्तरंजनपूर परिसरात शिवसेना शिंदे गटाची वाढती ताकद व जनाधार या पक्षप्रवेशातून स्पष्ट झाला असून, आगामी स्थानिक स्वराज्य संस्थांच्या निवडणुकांच्या पार्श्वभूमीवर हा प्रवेश राजकीयदृष्ट्या महत्त्वाचा मानला जात आहे.

या पक्षप्रवेशामुळे चामोर्शी तालुक्यात शिवसेना शिंदे गटाला नवसंजीवनी मिळाली असून, आगामी काळात पक्ष संघटनात्मकदृष्ट्या अधिक बळकट होईल, असा विश्वास यावेळी उपस्थित नेत्यांनी व्यक्त केला.