🔸मूल तालुक्यात गॅस एजन्सी सुरू करून २५ दिवसात सिलेंडर द्यावे : संतोषसिंह रावत,प्रदेश काँग्रेस सरचिटणीस

🔸जिल्हाधिकारी चंद्रपूर यांना दिले निवेदन..

Chief EditorMarch 28, 2026

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मूल – ( इंडिया २४ न्यूज ) : मूल तालुक्यात १०६ गावे व ४९ ग्रामपंचायती आणि १ नगर परिषद असून तालूक्याची लोकसंख्या दीड लाखाचे वर आहे,नगरात शासकीय कार्यालये,क्षिक्षण संस्था, उपजिल्हा रुग्नालय, औद्योगीक वसाहत, कृषी महाविद्यालय असून मूल तालूक्यात आजस्थितीत २५ हजाराचे वर गॅस वापरणारे कुटूंब आहेत. प्रधानमंत्री उज्वला योजना व शासनाच्या अन्य योजना अंतर्गत मोफत आणि अनुदान तत्वावर गॅस वापरणारे दारीद्रय रेषेखालील गरीब कुटुंबही तालूक्यात मोठ्या संस्थंने लाभार्थी आहेत.

गेल्या काही महिण्यापासून तालूक्यातील एच.पी. गॅस एजन्सी बंद केल्यामुळे तालूक्यातील हजारो गॅस ग्राहकांची गैरसोय होत आहे. सिलेंडरसाठी ग्राहकांना धावपळ करावी लागत आहे. ही गैरसोय लक्षात घेवून कंपनी प्रशासनाने मूल शहर आणि तालूक्यातील गॅस सिलींडर धारकांना सिलेंडर पुरवठा करण्याची जबाबदारी १२ कि.मी. अंतरावरील सावली आणि २२ कि.मी. अंतरावरील चिचपल्ली येथील गॅस एजन्सी कडे जबाबदारी सोपविलीआहे. परंतू सावली आणि चिचपल्ली येथील गॅस एजन्सी मूल शहर आणि तालूक्यातील गॅस सिलेंडर धारकांना नोंदणी करूनही वेळेवर उपलब्ध होत नसल्याने गृहिणींना चुलीवर स्वयंपाक करावा लागत आहे. त्यातही काड्यांची अडचण.

तसेच मूल शहरासाठी २५ दिवस व ग्रामीण साठी ४५ दिवसात गॅस सिलेंडर उपलब्ध करुन देण्यांत येईल असे सांगीतले जात आहे. परंतू फक्त महानगरपालीका शहरीकरणात येत असून मुल शहर हे ग्रामीण मध्येच येत असल्याने मूल शहरातील ग्राहकांना २५ दिवसात गॅस सिलेंडर देण्यांत यावे. तसेच तालुक्याची दीड लाख लोकसंख्या असलेल्या मूल नगरात त्वरित दुसरी गॅस एजन्सी देण्यात यावी. अशी मागणी प्रदेश काँग्रेसचे सरचिटणीस,माजी जी.प.अध्यक्ष संतोषसिंह रावत यांनी जिल्हाधिकारी चंद्रपूर यांना लेखी निवेदनाद्वारे केली आहे. निवेदन देताना न.प.उपाध्यक्ष व सभापती राकेश रत्नावार,काँग्रेस जिल्हा महासचिव घनश्याम येनुरकर, तालुका अध्यक्ष गुरु गुरनुले, ग्रामीण काँग्रेस नेते राजू पाटील मारकवार,सहकारी सोसायटी अध्यक्ष संदीप कारमवार, न.प.बांधकाम सभापती प्रशांत समर्थ, सामाजिक कार्यकर्ते संजय पडोळे उपस्थित होते.

गॅस सिलेंडर टंचाई बाबत मुख्यमंत्री नाम.देवेंद्र फडणवीस यांनाही इमेल द्वारे निवेदन :-

मूल शहरात व तालुक्यात गॅस सिलेंडर मिळत नसल्याने ग्राहकांची मोठी गैरसोय होत आहे.ही गैरसोय त्वरित दूर करण्यात यावी. अशी मागणी १८ मार्च २०२६ रोजी प्रदेश सरचिटणीस काँग्रेस संतोषसिंह रावत यांनी ईमेल द्वारे केली असता. सदरचे मागणी पत्र मुख्यमंत्र्यांचे सचिव मंत्रालय यांनी संबंधित विभागाकडे पाठविल्याचे ईमेल द्वारे संतोषसिंह रावत यांना कळविले आहे.