🔸नवीन चंद्रपूर शहराच्या पायाभूत सुविधांना विकासासाठी१४४ कोटी मंजूर..

*🔸सौ. शिल्पा बंनपुरकर*
*🔸संपादक*
*🔸मो नं. 7030292628*

चंद्रपूर – ( इंडिया 24 न्युज ) : नवीन चंद्रपूर शहराच्या पायाभूत सुविधांच्या विकासासाठी मंजूर झालेल्या रु. १४४ कोटींच्या भरीव निधीमुळे शहरातील दीर्घकाळ प्रलंबित प्रश्नांना आता ठोस मार्ग मिळणार आहे. विशेषतः रस्त्यांचे मजबुतीकरण, अत्याधुनिक पथदिवे, शाश्वत पाणीपुरवठा, सांडपाणी व्यवस्थापन आणि इतर मूलभूत सुविधा यांची कामे गतीने पूर्ण होत नागरिकांच्या दैनंदिन जीवनात मोठा सकारात्मक बदल घडणार आहे. यामुळे शहराचा नियोजनबद्ध विस्तार होऊन चंद्रपूर अधिक सुसज्ज, सुबक आणि गुंतवणुकीस पोषक बनण्याची शक्यता अधिक बळकट झाली आहे.

आ. सुधीर मुनगंटीवार यांच्या सातत्यपूर्ण पाठपुराव्याचा, अभ्यासपूर्ण मांडणीचा आणि संसदीय आयुधांच्या प्रभावी वापराचा हा ठोस परिणाम मानला जात आहे. त्यांच्या दूरदृष्टीपूर्ण नेतृत्वामुळे नवीन चंद्रपूरच्या विकासाला नव्या पर्वाची सुरुवात झाली असून, हे शहर भविष्यात आधुनिक, पर्यावरणपूरक आणि नागरिकाभिमुख विकासाचे आदर्श उदाहरण ठरेल, असा विश्वास व्यक्त होत आहे.