🔸आमदार रोहितदादा पवार यांच्या पंढरपूरातील अन्नत्याग आंदोलनाला पाठिंबा..

*🔸सौ. शिल्पा बंनपुरकर*
*🔸संपादक*
*🔸मो नं. 7030292628*

चंद्रपूर – ( इंडिया 24 न्युज ) : महाराष्ट्र राज्यातील शेतकऱ्यांसाठी सरकारने पुण्यश्लोक अहिल्यादेवी होळकर कर्जमाफी योजना जाहीर केली आहे. मात्र या योजनेतील जाचक अटी-शर्ती बघता ही योजना म्हणजे कर्जमाफी नसून कर्जवसुली योजना असल्याचे दिसून येते.या जाचक अटींमुळे राज्यभरातील लाखो शेतकरी वंचित राहणार असल्याचे स्पष्टपणे दिसुन येत आहे. परिणामी स्वरुप संबंधित शासन निर्णयांमध्ये बदल करण्याची गरज आहे. या योजनेत सन 2019 ते 2026 दरम्यान शेतकऱ्यांनी घेतलेल्या अल्पमुदतीच्या पीक कर्जाची रक्कम 2लाख रुपयांपर्यंतची कर्जमाफी करण्याचा निर्णय घेतला परंतु ज्या शेतकऱ्यांनी 2019 च्या महात्मा ज्योतिराव फुले कर्जमुक्ती योजनेचा लाभ घेतला आहे त्या शेतकऱ्यांना केवळ 50 हजार रुपयांची कर्जमाफी मिळणार आहे 2019 साली राज्यातील सुमारे 33 लाख शेतकऱ्यांनी कर्जमाफी योजनेचा लाभ घेतला होता याचाच अर्थ यंदाच्या कर्जमाफीतून या 33 लाख शेतकऱ्यांना संपूर्ण लाभ मिळणार नाही असे वाटते. सदर योजनेत ज्या शेतकऱ्यांचे कर्ज 2 लाखाहून अधिक आहे अशा शेतकऱ्यांनी (ओ.टी.एस.) एकवेळ समझोता अंतर्गत 2 लाखांवरील रक्कम भरली तरच त्यांना 2 लाख रुपयांच्या कर्जमाफीचा लाभ मिळणार आहे तसेच ज्या शेतकऱ्यांनी 2019 च्या कर्जमुक्ती योजनेचा लाभ घेतला आहे आणि सध्या त्यांचे कर्ज 50 हजाराहून अधिक आहे त्यांनी उर्वरित रक्कम भरल्यानंतरच त्यांना 50 हजार रुपयांच्या कर्जमाफीचा लाभ मिळणार आहे.
या योजनेतील अटीनुसार ज्या शेतकऱ्यांनी सन 2022-23, सन 2023-24, सन 2024-25 यापैकी कोणत्याही दोन वर्षातील पीक कर्जाची वेळेत परतफेड केली असेल त्यांना 50 हजार रुपये प्रोत्साहनपर अनुदान देण्यात येणार आहे. परंतु हा प्रोत्साहनपर लाभ मिळवण्यासाठी त्या शेतकऱ्याने सन 2025-26 आणि सन 2026-27 चे पीककर्ज भरलेले असणे आवश्यक आहे. अशाप्रकारच्या जाचक अटी कर्जमाफी योजनेतुन पुर्णतः रद्द कराव्यात जेणेकरून सर्व स्तरातील शेतकरी बांधवांना या कर्जमाफी योजनेचा लाभ घेता येईल. अशा प्रकारच्या मागणींचे निवेदना सोबतच राष्ट्रवादी काँग्रेस शरदचंद्र पवार पक्षाचे आमदार श्री रोहितदादा पवार यांनी श्रीक्षेत्र पंढरपूर येथे राज्यातील अन्नदात्यांसाठी अन्नत्याग आंदोलन सुरु केलेले आहे. त्या आंदोलनाला चंद्रपूर शहर जिल्हा राष्ट्रवादी काँग्रेस शरदचंद्र पवार पक्षाचा भक्कमपणे एकमुखी पाठिंबा असल्याचे सादर केलेल्या निवेदनात नमुद करुन उपरोक्त निवेदन आज 12 जुन 2026 ला चंद्रपूरचे जिल्हाधिकारी यांना चंद्रपूर शहर जिल्हा राष्ट्रवादी काँग्रेस शरदचंद्र पवार पक्षाच्या शिष्टमंडळाने शहर जिल्हाध्यक्षा सौ बेबीताई उईके यांच्या नेतृत्वाखाली सादर केले. यावेळी शिष्टमंडळात प्रदेश सरचिटणीस हिराचंदजी बोरकुटे, आदिवासी सेलचे जिल्हाध्यक्ष जाणार्धन गेडाम शहर ओबीसी जिल्हाध्यक्ष प्रा. विठ्ठल मस्की, महिला शहर जिल्हाध्यक्ष नंदिनी गौरकार, शहर कामगार जिल्हाध्यक्ष महेश काहीलकर, शहर अल्पसंख्याक जिल्हाध्यक्ष बब्बू ईसा, विध्यार्थी शहर जिल्हाध्यक्ष परब गिरडकर शहर उपाध्यक्ष दीपक कटकोजवार, दिनेश मिश्रl, सरस्वती गावंडे, अनुप बेले, मनिष मोडक, मदन उके, सिध्दार्थ मेश्राम, दिलीप आत्राम, वामनराव वाटगूरे किशोर शेडमाके , परमेश्वर वाघमारे यांचेसह असंख्य पदाधिकारी व कार्यकर्ते उपस्थित होते.