आपला जिल्हा ताज्या घडामोडी देश विदेश महाराष्ट्र

🔷 टेकरी- सिंदेवाही रस्त्याची दुरवस्था: सार्वजनिक बांधकाम विभागाच्या दुर्लक्षामुळे नागरीक संतप्त

Chief EditorJune 12, 2026

धनराज सरपाते- सिंदेवाही तालुका प्रतिनिधी

सिंदेवाही:(इंडिया २४ न्युज )
टेकरी ते सिंदेवाही हा महत्वाचा मार्ग सध्या अत्यंत दयनीय अवस्थेत असून रस्ता जागोजागी उखडला आहे. या रस्त्यावरील मोठमोठे खड्डे आणि खराब झालेल्या डांबरीकरणामुळे वाहन चालकाना मोठा त्रास सहन करावा लागत आहे. पावसाळा तोंडावर आला असतानाही संबंधित यंत्रणेकडून कोणतीही दखल घेतली जात नसल्याने नागरिकांमध्ये तीव्र नाराजी व्यक्त होत आहे.

या मार्गांवरून परिसरातील दहा ते बारा गावातील हजारो नागरिक दररोज सिंदेवाही बाजारपेठ, तालुकास्तरीय कार्यालये तसेच इतर कामासाठी प्रवास करतात, मात्र रस्त्याची अवस्था दिवसेंदिवस अधिकच बिकट होत असून अपघाताचा धोका वाढला आहे.

सार्वजनिक बांधकाम विभागाने या गंभीर समस्या कडे दुर्लक्ष केल्याचा आरोप नागरिकाकडून केला जात आहे. तसेच स्थानिक लोकप्रतिनिधी आणि नेत्यांनीही या रस्त्याकडे पाठ फिरवल्याचे चित्र दिसून येत असल्याने, नागरिकामध्ये संतापाची भावना आहे.

यापूर्वी स्थानिक नागरिक श्री देवा मंडलवार यांनी या रस्त्याचे दुरूस्तीसाठी आवाज उठवून प्रशासनाचे लक्ष वेधण्याचा प्रयत्न केला होता. मात्र त्यानंतरही कोणतीही ठोस कार्यवाही न झाल्याने नागरिकामध्ये तिव्र रोष निर्माण झाला आहे.

पावसाळा सुरु होण्यापुर्वी या रस्त्याची तातडीने दुरूस्ती करून नागरिकांना दिलासा द्यावा, अशी मागणी परिसरातील ग्रामस्थाकडून करण्यात येत आहे. अन्यथा तिव्र आंदोलनाचा इशाराही नागरिकांनी दिला आहे. ‌