आपला जिल्हा ताज्या घडामोडी देश विदेश महाराष्ट्र

🔷सिंदेवाही येथे “पीएम किसान उत्सव दिवस ” उत्साहात साजरा

🔶अल निनो संकट, पशुपालन व आधुनिक शेती तंत्रज्ञानावर तज्ज्ञांचे मार्गदर्शन

Chief EditorJune 21, 2026

धनराज सरपाते – सिंदेवाही तालुका प्रतिनिधी

सिंदेवाही: (इंडिया २४ न्युज ) दि. २०/६/२०२६
कृषी विज्ञान केंद्र सिंदेवाही येथे “पीएम किसान उत्सव दिवस” मोठ्या उत्साहात साजरा करण्यात आला. यावेळी पंतप्रधान किसान सन्मान निधी योजनेचा २३ वा हप्ता देशातील ९. ४४ कोटीहून अधिक लाभार्थी शेतकऱ्याच्या बँक खात्यात थेट लाभ हस्तांतरण(डीबीटी) द्वारे वितरीत करण्यात आला. या सोहळ्याचे थेट प्रक्षेपण कृषी विज्ञान केंद्राच्या प्रांगणात करण्यात आले.

कार्यक्रमाला सिंदेवाही व परिसरातील मोठ्या संख्येने शेतकरी बांधव आणि भगिनी उपस्थित होते. कार्यक्रमाचे प्रमुख मार्गदर्शक म्हणून कृषी विषयतज्ञ डॉ. विजय सिडाम व डॉ. वर्षा जगदाळे उपस्थित होते.

यावेळी डॉ. विजय सिडाम यानी सध्या शेती समोरील प्रमुख आव्हान ठरत असलेल्या “अलनिनो” या जागतिक हवामान बदलाच्या परिणामावर प्रकाश टाकला. अलनिनोमुळे उद्भवणारी दुष्काळी परिस्थिती, अनिश्चित पाऊस आणि वाढते तापमान यांचा शेतीवर होणारा परिणामो स्पष्ट करत त्यांनी शेतकऱ्यांना सावध राहण्याचे आवाहन केले. कमी पाण्यात येणारी पिके, जलसंधारण उपाय योजना तसेच आधुनिक शेती तंत्रज्ञानाचा अवलंब करण्याचा सल्लाही त्यांनी दिला.

डॉ. वर्षा जगदाळे यांनी शेतकऱ्यांना पशुआधारित शेती व पूरक व्यवसायाचे महत्त्व पटवून दिले. शेतीला पशुपालनाची जोड दिल्यास उत्पन्न अधिक स्थिर व शाश्वत राहू शकते. असे त्यांनी सांगितले.

अननिनो संकट, पशुपालन आणि थेट प्रक्षेपण कार्यक्रमामुळे शेतकऱ्यांचा उत्स्फूर्त प्रतिसाद लाभलेल्या, या कार्यक्रमाचे यशस्वी आयोजन कृषी विज्ञान केंद्र, सिंदेवाही यांच्या मार्गदर्शनाखाली करण्यात आले. शेतकऱ्यांसाठी माहितीपूर्ण आणि उपयुक्त ठरलेल्या या उपक्रमाचे उपस्थितांनी स्वागत केले.