आपला जिल्हा ताज्या घडामोडी देश विदेश महाराष्ट्र

🩸मुख्यमंत्री देवेंद्र फडणवीस यांच्या वाढदिवसानिमित्त रक्तदान शिबीर संपन्न..

🔸मूल तालुका भारतीय जनता पार्टी च्या वतीने राबविला सामाजिक उपक्रम..

Chief EditorJuly 25, 2026

डॉ. आनंदराव कुळे, संपादक
मूल तालुका प्रतिनिधी
मो. क्र. ९४०३१७९७२७

मूल – ( इंडिया २४ न्यूज ) : महाराष्ट्राचे लाडके नेते, मुख्यमंत्री देवेंद्रजी फडणवीस यांच्या वाढदिवसानिमित्त मूल शहरातील माता कन्यका परमेश्वर मंदिर सभागृहामध्ये भव्य रक्तदान शिबिराचे आयोजन करण्यात आले.मूल तालुका भारतीय जनता पार्टीच्या वतीने राबविण्यात आलेल्या या समाजोपयोगी व मानवीय उपक्रमाला परिसरातील नागरिकांचा व तरुणांचा अभूतपूर्व प्रतिसाद लाभला.बल्लारपूर विधानसभा क्षेत्राचे आमदार मा.सुधीरभाऊ मुनगंटीवार यांच्या नेतृत्वाखाली पार पडलेल्या या शिबिराला रक्तदात्यांचा मोठा ओघ पाहायला मिळाला. यामध्ये तरुण, महिला व सामाजिक कार्यकर्त्यांनी आरोग्याची काळजी आणि समाजसेवेचे व्रत जपत उत्स्फूर्तपणे सहभाग घेतला. शिबिरादरम्यान एकूण ५० रक्तदात्यांनी रक्तदान करून आपले सामाजिक कर्तव्य पार पाडले. चंद्रपूर येथील सुप्रसिद्ध शौर्य ब्लड बँकेचे डॉ. सागर धोटे यांचे मार्गदर्शनाखाली त्यांच्या पूर्ण टीम च्या सहकार्याने हे रक्तसंकलन अत्यंत यशस्वीरीत्या पूर्ण करण्यात आले.

यावेळी भाजपचे तालुकाध्यक्ष चंदूभाऊ मारगोनवर, मूल शहराध्यक्ष प्रवीण मोहुर्ले,कार्यक्रम प्रमुख प्रा.डॉ.सौं. किरणताई कापगते,जिल्हा महामंत्री राकेश ठाकरे,विद्या नागोसे, बंडू नर्मलवार, सौं. अर्चना बल्लावार,ईश्वर कोरडे, प्रवीण येनूरकर, जितू टिंगूसले, संजय येनूरकर, विजय बोम्मावार यांचेसह भाजपचे पदाधिकारी व कार्यकर्ते मोठ्या संख्येने उपस्थित होते.
या शिबिरास भाजपचे पदाधिकारी आणि कार्यकर्त्यांनी स्वतः उपस्थित राहून रक्तदात्यांचा उत्साह वाढवला तसेच त्यांना प्रमाणपत्र व पुष्पगुच्छ देऊन गौरवण्यात आले.

रक्तदानाचे महत्त्व आणि उपक्रमाचे कौतुक:- आजच्या काळात अपघाताच्या प्रसंगी किंवा गंभीर आजारांवर उपचारासाठी रक्ताचा तुटवडा भासतो. अशा वेळी रक्ताची गरज भागवण्यासाठी रक्तदान शिबिरांचे आयोजन ही काळाची गरज बनली आहे. मुख्यमंत्री देवेंद्र फडणवीस यांच्या वाढदिनानिमित्त केवळ राजकीय उत्सव साजरा न करता, अशा प्रकारचा लोकोपयोगी आणि आरोग्यवर्धक उपक्रम राबवल्याबद्दल भाजप पदाधिकाऱ्यांच्या या सामाजिक कार्याचे सर्वत्र कौतुक होत आहे.अमन ब्लड बँक नागपूर च्या सहकार्याने आणि शिस्तबद्ध नियोजनामुळे पार पडलेला हा उपक्रम संपूर्ण मूल तालुक्यात एक आदर्श आणि चर्चेचा विषय ठरला आहे.