🔸महावितरणची ‘ऊर्जा प्रबोधन महामोहीम’; शाळा-महाविद्यालयांतून वाहणार हरित ऊर्जेची आणि सुरक्षेची गंगा!

*🔸सौ. शिल्पा बंनपुरकर*
*🔸संपादक*
*🔸मो नं.7030292628*

चंद्रपूर/ गडचिरोली – ( इंडिया 24 न्युज ) : दि. 16 सप्टेंबर 2026: महाराष्ट्र शासनाच्या ‘राज्य महोत्सव’ संकल्पनेला साजेसा आणि उत्साही प्रतिसाद देत महावितरणने स्तुत्य आणि भव्य ‘ऊर्जा प्रबोधन मोहीम’ हाती घेतली आहे. ‘हरित ऊर्जा आणि विद्युत सुरक्षेच्या माध्यमातून ऊर्जा स्वातंत्र्याकडे वाटचाल’ या प्रेरक ध्येयाने प्रेरित होऊन 14 ते 25 सप्टेंबर 2026 या कालावधीत ही मोहीम व्यापक स्तरावर राबवण्यात येत आहे.
या अभियानाचे खास वैशिष्ट्य म्हणजे ‘अभियंता दिना’चे औचित्य साधून महावितरणचे शेकडो अभियंते सामाजिक बांधिलकी जपत थेट मैदानात उतरले आहेत. अतिरिक्त कार्यकारी अभियंत्यांपासून ते कनिष्ठ अभियंत्यांपर्यंतची संपूर्ण टीम शाळा आणि महाविद्यालयांमध्ये जाऊन विद्यार्थ्यांना हरित ऊर्जा, वीज बचत आणि सुरक्षिततेचे मोलाचे धडे देत आहे. मातोश्री महाविद्यालय तुकुम चंद्रपूर, श्रीकृष्ण कनिष्ठ महाविद्यालय पोंभुर्णा, औद्योगिक प्रशिक्षण संस्था कोरची, कर्मवीर महाविद्यालय मुल, नेहरू शाळा व कनिष्ठ महाविद्यालय चिमूर, जनता विद्यालय व कनिष्ठ महाविद्यालय भिसी, ग्रामदर्शन विद्यालय खडसंगी, विकास विद्यालय शंकरपूर, औद्योगिक प्रशिक्षण संस्था नागभीड, भामरागड, नवबुद्ध विद्यालय अहेरी, जिल्हा परिषद उच्च प्राथमिक शाळा डोंगरहळदी पोंभुर्णा, औद्योगिक प्रशिक्षण संस्था कुरखेडा, भगवंतराव कला व विज्ञान महाविद्यालय एटापल्ली, कृषी महाविद्यालय मुल, बजाज विद्या भवन चंद्रपूर, तारसा खुर्द गोंडपिपरी, श्रीराम विद्यालय कुरखेडा,
विद्यार्थी व नागरिकांना सक्षम बनवण्यासाठी महावितरणतर्फे पंतप्रधान सूर्यघर मोफत वीज योजना, स्वयंपूर्ण महाराष्ट्र आवासीय रूफटॉप सोलर (स्मार्ट) योजना, ई-व्हेंकिल धोरण, मुख्यमंत्री सौर कृषी वाहिनी योजना, सौर कृषी पंप आणि ‘गो ग्रीन’ कागदविरहित कारभार यांसारख्या महत्त्वपूर्ण शासकीय योजनांची माहिती दिली जात आहे. सोबतच दैनंदिन आयुष्यात वीज अपघातांना आळा घालण्यासाठी घ्यावयाची खबरदारी आणि उपायांवरही मार्गदर्शन केले जात आहे.
केवळ शाळा-महाविद्यालयेच नव्हे, तर चंद्रपूर परिमंडळातील प्रमुख गणेशोत्सव मंडळांच्या माध्यमातूनही ही जनजागृती मोहीम राबवली जात आहे. उत्सवासाठी केवळ अधिकृत वीज जोडणीचाच वापर करावा, सुरक्षेच्या दृष्टीने अत्यंत महत्त्वाचे असणारे ELCB (अर्थ लीकेज सर्किट ब्रेकर) उपकरण अनिवार्यपणे लावावे, ऊर्जेची बचत करण्यासाठी देखाव्यांमध्ये एलईडी दिव्यांचा जास्तीत जास्त वापर करावा आणि हरित ऊर्जेचा संदेश देणारे प्रबोधनात्मक देखावे उभारावेत, असे नम्र आवाहन महावितरणतर्फे करण्यात येत आहे. या राज्य महोत्सवात सर्व नागरिकांनी आणि गणेश भक्तांनी उत्स्फूर्तपणे सहभागी होऊन हरित ऊर्जा व विद्युत सुरक्षेचा हा मूलमंत्र आपल्या दैनंदिन जीवनाचा अविभाज्य भाग बनवावा, असे आग्रही आवाहन महावितरणने केले आहे.
फोटो ओळ – 1. मातोश्री विद्यालय तुकुम चंद्रपूर. महावितरणतर्फे प्रबोधन मोहीम राबविण्यात आली.
2. कर्मवीर महाविद्यालय मुल. महावितरणतर्फे प्रबोधन मोहीम राबविण्यात आली.
3. औद्योगिक प्रशिक्षण संस्था कुरखेडा. महावितरणतर्फे प्रबोधन मोहीम राबविण्यात आली.
4. जिल्हा परिषद उच्च प्राथमिक शाळा डोंगरहळदी पोंभुर्णा. महावितरणतर्फे प्रबोधन मोहीम राबविण्यात आली.
जगनाडे चौक घोट.